കാസര്‍കോട്: സ്‌കൂള്‍ വിട്ട് പുറത്തിറങ്ങുമ്പോള്‍ മരം കടപുഴകി വീണ് വിദ്യാര്‍ത്ഥിനി മരിച്ചു. പുത്തിഗെ അംഗഡിമൊഗര്‍ ജി എച്ച് എസ് സ്‌കൂളിലെ ആറാം ക്ലാസ് വിദ്യാര്‍ഥിനി ആയിഷത്ത് മിന്‍ഹ (11) ആണ് മരിച്ചത്. ഇന്ന് വൈകിട്ടായിരുന്നു സംഭവം. വൈകിട്ട് സ്‌കൂള്‍ വിട്ട് പുറത്തിറങ്ങിയപ്പോള്‍ മുറ്റത്തുണ്ടായിരുന്ന മരം കടപുഴകി വീഴുകയായിരുന്നു. അപകടത്തില്‍ മറ്റൊരു കുട്ടിക്ക് പരുക്കേറ്റിട്ടുമുണ്ട്. അംഗഡിമൊഗറിലെ ബി എം യൂസഫ് ഫാത്തിമത്ത് സൈനബ ദമ്പതിമാരുടെ മകളാണ് ആയിഷത്ത് മിന്‍ഹ.
