കായംകുളം: മകള്‍ക്ക് ഒപ്പം സ്‌കൂട്ടറില്‍ സഞ്ചരിക്കവെ ടാങ്കര്‍ ലോറിയിടിച്ച് വീട്ടമ്മ മരിച്ചു. കായംകുളം പെരുങ്ങാല ദേശത്തിനകം അശ്വതിയില്‍ വിശ്വംഭരന്റെ ഭാര്യ മണിയമ്മ(53)യാണ് മരിച്ചത്. മകള്‍ പാര്‍വ്വതി(23)ക്ക് നിസാര പരുക്കേറ്റു. ഇവരെ ആശുപത്രിയില്‍ പ്രവേശിപ്പിച്ചു.
ഉന്ന് ഉച്ചയ്ക്ക് കെ.പി റോഡില്‍ പൊലീസ് സ്‌റ്റേഷന് സമീപം ആയിരുന്നു അപകടം നടന്നത്. കായംകുളത്ത് ബാങ്കില്‍ വന്നശേഷം ഇരുവരും തിരകെ വീട്ടിലേക്ക് മടങ്ങുകയായിരുന്നു. ഈ സമയം അടൂരിലേക്ക് പോകുകയായിരുന്ന ടാങ്കര്‍ ലോറി സ്‌കൂട്ടറിന് പിന്നില്‍ ഇടിക്കുകയായിരുന്നു. ഇടിയുടെ ആഘാതത്തില്‍ സ്‌കൂട്ടര്‍ മറിഞ്ഞതോടെ മണിയമ്മ ലോറിക്കടിയിലേക്കും പാര്‍വതി എതിര്‍ ദിശയിലേക്കും വീഴുകയായിരുന്നു. ഉടന്‍ തന്നെ പൊലീസ് എത്തി ഇവരെ കായംകുളം താലൂക്ക് ആശുപത്രിയില്‍ എത്തിച്ചുവെങ്കിലും ജീവന്‍ രക്ഷിക്കാനായില്ല.
