കണ്ണൂര്‍: കേന്ദ്ര സര്‍ക്കാറിനെതിരെ രാഷ്ട്രീയ പ്രതിഷേധങ്ങള്‍ നടത്തുന്ന കോണ്‍ഗ്രസിലെ മുസ്ലിം പേരുകാര്‍ക്കെതിരെ മതസ്പര്‍ധ വളര്‍ത്തുന്നുവെന്ന് ആരോപിച്ച് കേസെടുക്കുന്ന കേരള പൊലീസ് സമീപനത്തില്‍ ഐ എസ് എം കണ്ണൂര്‍ ജില്ലാ സെക്രട്ടറിയേറ്റ് പ്രതിഷേധിച്ചു. രാഷ്ട്രീയ പ്രതിഷേധങ്ങളെ മതസ്പര്‍ധയാക്കി മാറ്റാനുള്ള നീക്കം പിന്‍വലിക്കണമെന്ന് സെക്രട്ടറിയേറ്റ് ആവിശ്യപ്പെട്ടു.
ഐ എസ് എം ജില്ലാ പ്രസിഡന്റ് കെ പി എം റാഫി അധ്യക്ഷത വഹിച്ചു. സെക്രട്ടറി സഹദ് ഇരിക്കൂര്‍, ട്രഷറര്‍ ജസീല്‍ പൂതപ്പാറ, റാഫി പേരാമ്പ്ര, അജ്‌സര്‍ കണ്ണൂര്‍, അനസ്, ഇബ്രാഹീം തുടങ്ങിയവര്‍ സംസാരിച്ചു.
