വാര്‍ത്തകള്‍ 8289857951 എന്ന വാട്‌സാപ്പ് നമ്പറില്‍ അയക്കുക.
കോഴിക്കോട്: വിദൂര വിദ്യാഭ്യാസത്തെ ഉപയോഗപ്പെടുത്തുന്ന വിദ്യാര്‍ത്ഥികള്‍ക്ക് റെഗുലര്‍ വിദ്യാര്‍ത്ഥികള്‍ക്ക് നല്‍കുന്ന പരിഗണന നല്‍കപ്പെടാതിരിക്കരുതെന്ന് എം.എസ്.എം അന്താരാഷ്ട്ര അറബിക് വിദ്യാര്‍ത്ഥി സമ്മേളനം ആവശ്യപ്പെട്ടു. സര്‍വകലാശാല പരീക്ഷ ഫലം കാത്തിരിക്കുന്ന വിദ്യാര്‍ഥികള്‍ക്ക് ഫലം പ്രഖ്യാപിക്കണമെങ്കില്‍ സമരം നടത്തേണ്ട അവസ്ഥ നമ്മുടെ വിദ്യാഭ്യാസസംവിധാനത്തിനു അപമാനകരമാണ്.
ഓണ്‍ലൈന്‍ പഠനം വ്യാപകമായി കൊണ്ടിരിക്കുന്ന കാലത്ത്, പ്രത്യേകിച്ചും ലോകത്തെ ഒന്നാം നിര യൂണിവേഴ്‌സിറ്റികള്‍ പോലും അവരുടെ കോഴ്‌സുകള്‍ക്ക് ഓണ്‍ലൈന്‍ മോഡ് അനുവദിക്കുമ്പോള്‍, റെഗുലര്‍ഡിസ്റ്റന്‍സ് ഓപ്പണ്‍ തുടങ്ങിയ വര്‍ഗീകരണങ്ങള്‍ തന്നെ ആവശ്യമുണ്ടോ എന്നതിനെ കുറിച്ചും നാം പുനരാലോചിക്കണമെന്നും, ഇക്കാര്യങ്ങളില്‍ കാലോചിതമായ മാറ്റങ്ങള്‍ക്ക് സര്‍വകലാശാലകള്‍ തയ്യാറാകണമെന്ന് സമ്മേളനം ആവശ്യപ്പെട്ടു.
പഠനാവശ്യം വിദേശത്തേക്ക് ഒഴുകുന്ന വിദ്യാര്‍ത്ഥികളുടെ എണ്ണപെറുപ്പത്തില്‍ അനാവശ്യ ഭീതി സൃഷ്ടിക്കാതെ അവര്‍ക്ക് ആവശ്യമായ ഓറിയന്റേഷന്‍ നല്‍കുകയും നാടിനു ഗുണകരമായ രീതിയില്‍ ഉപയോഗപ്പെടുത്തുകയുമാണ് വേണ്ടതെന്ന് സമ്മേളനം ആവശ്യപ്പെട്ടു.
കേരള നദ്‌വത്തുല്‍ മുജാഹിദീന്‍ (കെ.എന്‍.എം) വിദ്യാര്‍ത്ഥി വിഭാഗമായ മുജാഹിദ് സ്റ്റുഡന്റ്‌സ് മൂവ്‌മെന്റ് (എം.എസ്.എം) സംഘടിപ്പിക്കുന്ന പതിനേഴാമത് അന്താരാഷ്ട്ര അറബിക് വിദ്യാര്‍ത്ഥി സമ്മേളനംധാര്‍മികതയാണ് മാനവികതയുടെ ജീവന്‍ എന്ന പ്രമേയത്തില്‍ കോഴിക്കോട് ഓമശ്ശേരിയില്‍ വെച്ച് നടന്നു.
രണ്ട് വേദികളില്‍ പന്ത്രണ്ട് സെഷനുകളിലായി നടന്ന സമ്മേളനം കെ.എന്‍.എം സംസ്ഥാന പ്രസിഡന്റ് ടിപി അബ്ദുല്ലക്കോയ മദനി ഉദ്ഘാടനം ചെയ്തു. എം.എസ്.എം സംസ്ഥാന പ്രസിഡന്റ് അമീന്‍ അസ് ലഹ് അധ്യക്ഷത വഹിച്ചു. പി.ടി.എ റഹീം എം.എല്‍.എ, കെ.എന്‍.എം സംസ്ഥാന ഉപാധ്യക്ഷന്‍ ഡോ.പി.കെ. ഹുസൈന്‍ മടവൂര്‍, കെ.എന്‍.എം സംസ്ഥാന സെക്രട്ടറി ഡോ.എ.ഐ അബ്ദുല്‍ മജീദ് സ്വലാഹി, കെ.എന്‍.എം കോഴിക്കോട് സൗത്ത് ജില്ലാ പ്രസിഡന്റ് സി. മരക്കാരുട്ടി, ഫാറൂഖ് കോളേജ് വൈസ് പ്രിന്‍സിപ്പല്‍ ഡോ.ഇ.കെ സാജിദ്, ഐ.എസ്.എം സംസ്ഥാന വൈസ് പ്രസിഡന്റ് റഹ് മത്തുല്ല സ്വലാഹി പുത്തൂര്‍, എം.എസ്.എം സംസ്ഥാന ജനറല്‍ സെക്രട്ടറി സുഹ്ഫി ഇംറാന്‍ സ്വലാഹി, എം.എസ്.എം സംസ്ഥാന സെക്രട്ടറി ഷിബിലി മുഹമ്മദ് എന്നിവര്‍ ഉദ്ഘാടന സമ്മേളനത്തില്‍ സംസാരിച്ചു.
തുടര്‍ന്ന് നടന്ന പഠന സെഷനുകളില്‍ മഹ്‌സൂം അഹമദ് സ്വലാഹി, അലി ശാക്കിര്‍ മുണ്ടേരി, മുസ്തഫ തന്‍വീര്‍, ആദില്‍ അത്താണിക്കല്‍, അബ്ദുസ്സലാം ശാക്കിര്‍, ഡോ.പി.എം.എ വഹാബ് എന്നിവര്‍ വിദ്യാര്‍ത്ഥികളുമായി സംവദിച്ചു . ഗേള്‍സ് ഗാതറിങ്ങില്‍ നിലമ്പൂര്‍ ഗവണ്‍മെന്റ് കോളേജ് അസിസ്റ്റന്റ് പ്രൊഫസര്‍ സമീറ സ്വലാഹിയ്യ അതിഥിയായി പങ്കെടുത്തു . എം.ജി.എം സ്റ്റുഡന്റ്‌സ് വിംഗ് സംസ്ഥാന സെക്രട്ടറി വാഫിറ ഹന്ന, ബാസില പി.പി, ഫാത്തിമ ഷിഫ സി.കെ, മുഹ്‌സിന മുഹ്‌സിന്‍, ആയിഷ സമ, എന്നിവര്‍ പ്രബന്ധങ്ങള്‍ അവതരിപ്പിച്ചു.
വേദി രണ്ടില്‍ നടന്ന അറബിക് ഗവേഷണ വിദ്യാര്‍ത്ഥി സംഗമം ഫാറൂഖ് കോളേജ് അസിസ്റ്റന്റ് പ്രൊഫസര്‍ ഡോ.യു.പി മുഹമ്മദ് ആബിദ് ഉദ്ഘാടനം ചെയ്തു . സുല്ലമുസ്സലാം അറബിക് കോളേജ് അസിസ്റ്റന്റ് പ്രൊഫസര്‍ ഡോ. അബ്ദുല്ല നജീബ് അധ്യക്ഷത വഹിച്ചു . ബസ്സാം അഹമ്മദ് (യമന്‍) ഹബീബ് റഹ് മാന്‍ (ജാമിഅഃ മില്ലിയ ഇസ്ലാമിയ ഡല്‍ഹി) എന്നിവര്‍ അതിഥികളായി പങ്കെടുത്തു . ഗവേഷണ വിദ്യാര്‍ത്ഥികളായ സലീല്‍ മദനി (കാലിക്കറ്റ് യൂണിവേഴ്‌സിറ്റി), അംജദ് അമീന്‍ (പി.ടി.എം ഗവണ്‍മെന്റ് കോളേജ്), നൗഫല്‍ പി.കെ (അന്‍സാര്‍ അറബിക് കോളേജ് വളവന്നൂര്‍), ബിഷ്‌നീന്‍ ഹുദ (ഫാറൂഖ് കോളേജ്), ഷഹാന സി.പി (മദീനത്തുല്‍ ഉലൂം അറബിക് കോളേജ് പുളിക്കല്‍), ആഷിക് ഷാജഹാന്‍ (എം.ഇ.എസ് മമ്പാട്), ഷഫീഖ് സ്വലാഹി (കാലിക്കറ്റ് യൂണിവേഴ്‌സിറ്റി), ഷമീല പുളിക്കല്‍ (അന്‍വാറുല്‍ ഇസ്ലാം മോങ്ങം), ഫഹദ് ബിന്‍ റഷീദ് തുടങ്ങിയവര്‍ പ്രബന്ധങ്ങള്‍ അവതരിപ്പിച്ചു . ഷഫീഖ് ഹസ്സന്‍ അന്‍സാരി (ടി.എം.ജി കോളേജ് തിരൂര്‍), എം.എസ്.എം ഗവേഷണ വിഭാഗം കോര്‍ഡിനേറ്റര്‍ ഷഫീഖ് കണ്ണൂര്‍ എന്നിവര്‍ നേതൃത്വം നല്‍കി.
ഉച്ചക്ക് ശേഷം നടന്ന ആദര്‍ശ സമ്മേളനത്തില്‍ അഹമദ് അനസ് മൗലവി, ഡോ. മുനീര്‍ മദനി, നസീറുദ്ദീന്‍ റഹ് മാനി, സഅദുദ്ദീന്‍ സ്വലാഹി, ജംഷീദ് ഇരിവേറ്റി, ഡോ. റംസീന്‍ എന്നിവര്‍ വിദ്യാര്‍ത്ഥികളുമായി സംവദിച്ചു.
27ാമത് അന്താരാഷ്ട്ര ഖുര്‍ആന്‍ വിജ്ഞാന പരീക്ഷയുടെ വിജയികള്‍ക്കുള്ള അവാര്‍ഡ് ദാനം നൂര്‍ മുഹമ്മദ് സേട്ട് എറണാകുളം നിര്‍വഹിച്ചു . അറബിക് സമ്മേളനത്തിന്റെ ഭാഗമായി എം.എസ്.എം അറബിക് വിംഗ് സംഘടിപ്പിച്ച അല്‍ ഫുനൂന്‍ സംസ്ഥാന തല കലാമത്സരത്തൈല്‍ ജാമിഅ നദവിയ എടവണ്ണ,റൗളത്തുല്‍ ഉലൂം ഫറൂഖ്,ജാമിഅ സലഫിയ എന്നിവര്‍ യഥാക്രമം ഒന്നും രണ്ടും മൂന്നും സ്ഥാനങ്ങള്‍ കരസ്ഥമാക്കി.
സമാപന പൊതു സമ്മേളനം കെ.എന്‍.എം സംസ്ഥാന ജനറല്‍ സെക്രട്ടറി എം.മുഹമ്മദ് മദനി ഉദ്ഘാടനം ചെയ്തു . സംഘാടകസമിതി ചെയര്‍മാന്‍ അബ്ദുറസാഖ് കൊടുവള്ളി അധ്യക്ഷത വഹിച്ചു . ഡോ.എം.കെ മുനീര്‍ എം.എല്‍.എ അതിഥിയായി . കെ.എന്‍.എം ട്രഷറര്‍ നൂര്‍ മുഹമ്മദ് നൂര്‍ഷ, കെ.എന്‍.എം സെക്രട്ടറി അബ്ദുറഹ് മാന്‍ മദനി പാലത്ത്, ജില്ലാ സെക്രട്ടറി അബ്ദുസ്സലാം വളപ്പില്‍, ഐ.എസ്.എം സംസ്ഥാന ജനറല്‍ സെക്രട്ടറി ഷുക്കൂര്‍ സ്വലാഹി, വൈസ് പ്രസിഡന്റ് ഷാഹിദ് മുസ്‌ലിം ഫാറൂഖി എന്നിവര്‍ പ്രഭാഷണം നിര്‍വഹിച്ചു.
