സംസ്ഥാനത്ത് ആദ്യമായി ഭിന്നശേഷിക്കാര്‍ക്ക് വേണ്ടിയുള്ള സ്റ്റാര്‍ട്ടപ്പ് ഇന്‍ക്യുബേഷന് തുടക്കം

Kottayam
nvadmin95 Comments on സംസ്ഥാനത്ത് ആദ്യമായി ഭിന്നശേഷിക്കാര്‍ക്ക് വേണ്ടിയുള്ള സ്റ്റാര്‍ട്ടപ്പ് ഇന്‍ക്യുബേഷന് തുടക്കം
Share
                

കോട്ടയം: മഹാത്മാഗാന്ധി യൂണിവേഴ്‌സിറ്റിയുടെ ബിസിനസ് ഇന്നോവേഷന്‍ ആന്‍ഡ് ഇന്‍ക്യുബേഷന്‍ സെന്ററും(BIIC), 2022ലെ സംസ്ഥാന സര്‍ക്കാരിന്റെ ഭിന്നശേഷിക്കാര്‍ക്കുള്ള മികച്ച എന്‍ജിഒ ആയി തിരഞ്ഞെടുക്കപ്പെട്ട, വി കെയര്‍ സെന്റര്‍ കാഞ്ഞിരപ്പള്ളിയും സംയുക്തമായി ഒരുക്കുന്ന പദ്ധതിയാണ് IDD HACKATHON. ബൗദ്ധികമായും വളര്‍ച്ചാപരമായും വിഭിന്ന ശേഷിയുള്ളവരെ ലക്ഷ്യം വെയ്ക്കുകയാണ് IDD HACKATHON വഴി ഉദ്ദേശിക്കുന്നത്.

‘BUILD YOUR LEGO’ എന്ന പേരില്‍, രാജ്യാന്തരതലത്തില്‍ നടത്തുന്ന ആശയ രൂപീകരണ പദ്ധതിയുടെ ഔദ്യോഗിക ഉദ്ഘാടനം, കേരള സംസ്ഥാനത്തിന്റെ ബഹു. ഉന്നത വിദ്യാഭ്യാസ മന്ത്രി ഡോ. ആര്‍ ബിന്ദു, 2022 ഡിസംബര്‍ 08ന് ഉദ്ഘാടനം ചെയ്യ്തു. ആദ്യഘട്ടത്തില്‍ ഈ പദ്ധതിയിലൂടെ ഭിന്നശേഷി മേഖലയിലെ പ്രശ്‌നങ്ങള്‍ക്ക് പരിഹാരം ആകുന്ന ആശയങ്ങളുടെ അപേക്ഷകള്‍ സമര്‍പ്പിക്കാം. അപേക്ഷകള്‍ സമര്‍പ്പിക്കേണ്ട അവസാന തീയതി 2023 ജനുവരി 10.

സമൂഹം നേരിടുന്ന ഒരു വലിയ പ്രശ്‌നത്തിന് പരിഹാരമാണ് എം.ജി സര്‍വ്വകലാശാല മുന്നോട്ട് വെച്ചതെന്നും, ഭിന്നശേഷി മേഖലയില്‍ പഠനങ്ങളും സാങ്കേതികവിദ്യയുടെ സഹായങ്ങളും എത്തിക്കുന്ന ഈ നടപടി മാതൃകാപരമായ കാര്യമാണെന്നും മന്ത്രി അഭിപ്രായപ്പെട്ടു. ഈ മേഖലയില്‍ സുത്യര്‍ഹമായ സേവനമനുഷ്ഠിക്കുന്ന വി കെയര്‍ സെന്ററിന്റെ പ്രവര്‍ത്തനങ്ങളെ പ്രത്യേകം അഭിനന്ദിക്കുകയും, എം. ജി സര്‍വകലാശാലയുടെ ഈ മുന്നേറ്റത്തിന് ചുക്കാന്‍ പിടിക്കുന്ന വൈസ് ചാന്‍സിലര്‍ ഡോ. സാബു തോമസിനെയും, ബി.ഐ.ഐ.സി യെയും മന്ത്രി പ്രത്യേകം പ്രശംസിക്കുകയും ചെയ്തു.

രണ്ടാം ഘട്ടത്തില്‍ സൗത്ത് ഇന്ത്യയിലെ ആദ്യത്തെ ഭിന്നശേഷി മേഖലയില്‍ ഉള്ള ഒരു സ്റ്റാര്‍ടപ്പ് ഇന്‍ക്യുബേഷന്‍, മഹാത്മാഗാന്ധി യൂണിവേഴ്‌സിറ്റിയുടെ ബിസിനസ് ഇന്നോവേഷന്‍ ആന്‍ഡ് ഇന്‍ക്യുബേഷന്‍ സെന്ററിന്റെ(ആകകഇ) സഹായത്തോടെ, വി കെയര്‍ സെന്ററിന് കീഴില്‍ പ്രവര്‍ത്തിക്കുന്ന angels വില്ലേജില്‍, പ്രവര്‍ത്തനമാരംഭിക്കും. തെരഞ്ഞെടുക്കപ്പെടുന്ന ആശയങ്ങള്‍ നടപ്പിലാക്കുന്നതിന് വേണ്ട സാമ്പത്തിക സാങ്കേതിക സഹായങ്ങള്‍, INCUBATOR വഴി ലഭ്യമാക്കുന്നതാണ്.

ഭിന്നശേഷിക്കാരായ കുട്ടികളുടെയും, അവരുടെ മാതാപിതാക്കളുടെയും അവരുമായി ബന്ധുപെട്ട് പ്രവര്‍ത്തിക്കുന്നവരുടെയും ഉന്നമനത്തിനും, ഇവര്‍ നേരിടുന്ന അനുദിന പ്രശ്‌നങ്ങള്‍, Hackathon ലൂടെ സമൂഹത്തിന് പഠിക്കുവാനും/ പരിഹാരം കണ്ടെത്തുവാനും അവസരം ഒരുക്കുന്നു.

കേരളത്തിന് അകത്തും പുറത്തും ഉള്ള വിവിധ യൂണിവേഴ്‌സിറ്റികള്‍, നാഷണല്‍ ഇന്‍സ്റ്റിറ്റിയൂട്ടുകള്‍, private ഇന്‍സ്റ്റിറ്റിയൂട്ടുകള്‍ ഈ പദ്ധതിയില്‍ പങ്കുചേരും. നമ്മള്‍ വാനവിതാനങ്ങള്‍ കീഴടക്കുമ്പോള്‍ കൂടെ കൂട്ടായി കൊക്കൂണുകള്‍ക്ക് ചിത്രശലഭങ്ങളായി ചിറക്കവിരിക്കാനുള്ള കൂട്ടായ ശ്രമമാണിത്.

വിശദവിവരങ്ങള്‍ക്ക് www.iddhackathon.com സന്ദര്‍ശിക്കാവുന്നതോ, iddhackathon@gmail.com എന്ന അഡ്രസ്സില്‍ ബന്ദപെടാവുന്നതോ ആണ്.

മറ്റ് വാർത്തകൾ

പാലായോടുള്ള അവഗണന; നിയമസഭയില്‍ ഗദകണ്ഠനായി മാണി സി കാപ്പന്‍

nvadmin

ഓർമാ അന്തർദേശീയ പ്രസംഗമത്സരം; ആദ്യഘട്ട മത്സര വിജയികളെ കേന്ദ്രമന്ത്രി രാജീവ് ചന്ദ്രശേഖറും ഐ എസ് ആർ ഓ ചെയർമാൻ എസ് സോമനാഥും പ്രഖ്യാപിച്ചു 

nvadmin

പാലാ നഗരസഭ ബജറ്റ് പുസ്തകത്തിന്‍റെ പുറംചട്ടയില്‍ മൂന്നാനിയിലെ ഗാന്ധിസ്‌ക്വയര്‍

nvadmin

95 thoughts on “സംസ്ഥാനത്ത് ആദ്യമായി ഭിന്നശേഷിക്കാര്‍ക്ക് വേണ്ടിയുള്ള സ്റ്റാര്‍ട്ടപ്പ് ഇന്‍ക്യുബേഷന് തുടക്കം”

Leave a Reply

Your email address will not be published. Required fields are marked *