തിരുവനന്തപുരം: രാജ്യാന്തര ചലച്ചിത്ര മേളയോടനുബന്ധിച്ച് കേരള ഫിലിം പ്രൊഡ്യുസേഴ്‌സ് അസോസിയേഷനും ട്രിവാന്‍ഡ്രം ഫിലിം ഫ്രറ്റേര്‍ണിറ്റിയും സ്റ്റുഡന്റ് ഡെലിഗേറ്റുകള്‍ക്ക് സൗജന്യ ഉച്ചഭക്ഷണം വിതരണം ആരംഭിച്ചു.
ചലച്ചിത്ര അക്കാദമി സെക്രട്ടറി സി. അജോയ് ഉദ്ഘാടനം ചെയ്തു.ഫിലിം പ്രൊഡ്യൂസഴ്‌സ് അസോസിയേഷന്‍ സെക്രട്ടറി ബി. രാകേഷ് , ട്രിവാന്‍ഡ്രം ഫിലിം ഫ്രറ്റേര്‍ണിറ്റി സെക്രട്ടറി കല്ലിയൂര്‍ ശശി, കെ.എസ്.പി.എ. വൈസ് പ്രസിഡന്റ് ജി സുരേഷ്‌കുമാര്‍ എന്നിവര്‍ പങ്കെടുത്തു . ടാഗോര്‍ തിയറ്റര്‍ പരിസരത്തെ എക്‌സിബിഷന്‍ സ്റ്റാളില്‍ ദിവസവും ഉച്ചയ്ക്ക് ഒന്ന് മുതല്‍ രണ്ടു വരെയാണ് ആഹാര വിതരണം.
