സിനിമ വര്‍ത്തമാനം / പ്രതീഷ് ശേഖര്‍
ധനുഷ് കേന്ദ്ര കഥാപാത്രത്തെ അവതരിപ്പിക്കുന്ന ‘ക്യാപ്റ്റന്‍ മില്ലര്‍’ എന്ന ചിത്രത്തിന്റെ കേരളാ വിതരണാവകാശം ഫോര്‍ച്യുണ്‍ ഫിലിംസ് ഏറ്റെടുത്തതായി സത്യജ്യോതി ഫിലിംസ് ഔദ്യോഗികമായി അറിയിച്ചു. റെക്കോര്‍ഡ് തുകയ്ക്കാണ് ചിത്രത്തിന്റെ വിതരണാവകാശം ഫോര്‍ച്യൂണ്‍ സിനിമാസ് സ്വന്തമാക്കിയത്. പൊങ്കല്‍ റിലീസായാണ് ചിത്രം തിയേറ്ററിലെത്തുന്നത്.
സിനിമയുടെ ലോഞ്ച് സമയം മുതല്‍, ധനുഷ് നായകനായ ‘ക്യാപ്റ്റന്‍ മില്ലര്‍’ പ്രേക്ഷകരുടെ ശ്രെദ്ധ പിടിച്ചുപറ്റിയിരുന്നു. സത്യജ്യോതി ഫിലിംസിന്റെ നിര്‍മ്മാണത്തില്‍ അരുണ്‍ മാതേശ്വരന്‍ ആണ് ചിത്രത്തിന്റെ സംവിധാനം. അഭിനേതാക്കളിലും അണിയറപ്രവര്‍ത്തകരിലും സൗത്ത് ഇന്‍ഡസ്ട്രിയില്‍ നിന്നുള്ള ഏറ്റവും വലിയ ബ്രാന്‍ഡ് പേരുകള്‍ ഉള്‍ക്കൊള്ളുമ്പോള്‍ ചിത്രത്തിന്റെ ഓരോ പ്രഖ്യാപനത്തിലും പ്രതീക്ഷകള്‍ നിരന്തരം ഉയരുകയാണ്.
ക്യാപ്റ്റന്‍ മില്ലറിന്റെ ട്രയ്‌ലര്‍ ഉടന്‍ പ്രേക്ഷകരിലേക്കെത്തും. സെന്തില്‍ ത്യാഗരാജനും അര്‍ജുന്‍ ത്യാഗരാജനും ചേര്‍ന്ന് നിര്‍മ്മിക്കുന്ന ചിത്രം സത്യജ്യോതി ഫിലിംസിന്റെ ബാനറില്‍ ടി ജി ത്യാഗരാജനാണ് അവതരിപ്പിക്കുന്നത്. പ്രിയങ്ക അരുള്‍ മോഹന്‍ നായികയായി അഭിനയിക്കുന്നു, ഡോ. ശിവരാജ്കുമാര്‍, സന്ദീപ് കിഷന്‍ തുടങ്ങിയ വാഗ്ദാനങ്ങളുള്ള പവര്‍ഹൗസ് പ്രതിഭാധനരായ സൂപ്പര്‍താരങ്ങളും മറ്റ് നിരവധി പ്രമുഖ അഭിനേതാക്കളും ഈ താരനിരയില്‍ ഉള്‍പ്പെടുന്നു.
ക്യാപ്റ്റന്‍ മില്ലറിന്റെ അണിയറപ്രവര്‍ത്തകര്‍ ഇവരാണ്. ചിത്രത്തിന്റെ രചനയും സംവിധാനവും: അരുണ്‍ മാതേശ്വരന്‍, നിര്‍മ്മാണം: സെന്തില്‍ ത്യാഗരാജന്‍ & അര്‍ജുന്‍ ത്യാഗരാജന്‍, സംഗീതം: ജി വി പ്രകാശ്, DOP: സിദ്ധാര്‍ത്ഥ നുനി. എഡിറ്റര്‍: നാഗൂരാന്‍, കലാസംവിധാനം: ടി. രാമലിംഗം, വസ്ത്രാലങ്കാരം: പൂര്‍ണിമ രാമസാമി & കാവ്യ ശ്രീറാം, സ്റ്റണ്ട്: ദിലീപ് സുബ്ബരായന്‍, പബ്ലിസിറ്റി ഡിസൈനര്‍: ട്യൂണി ജോണ്‍ (24AM), വരികള്‍: വിവേക്, അരുണ്‍രാജ കാമരാജ്, ഉമാദേവി, കാബര്‍ വാസുകി, വിഎഫ്എക്‌സ് സൂപ്പര്‍വൈസര്‍: മോനേഷ് എച്ച്, നൃത്തസംവിധാനം: ഭാസ്‌കര്‍, ശബ്ദമിശ്രണം: എം ആര്‍ രാജകൃഷ്ണന്‍.
