കോഴിക്കോട്: മുക്കത്തിനു സമീപം കാഞ്ഞിരമുഴിയില്‍ കാട്ടുപന്നിയുടെ ആക്രമണത്തില്‍ യുവതിക്ക് ഗുരുതര പരിക്ക്. കാഞ്ഞിരമുഴി കുടുക്കില്‍ മനീഷയ്ക്കാണ് കാട്ടുപന്നിയുടെ ആക്രമണത്തില്‍ പരിക്കേറ്റത്. കാലിനും നട്ടെല്ലിനുമാണ് പരിക്ക്.
വീടിനടുത്ത പറമ്പില്‍ വിറക് ശേഖരിക്കാന്‍ പോയതായിരുന്നു മനീഷ. പെട്ടെന്ന് ഓടിയെത്തിയ കാട്ടുപന്നി ഇവരെ ആക്രമിക്കുകയായിരുന്നു. കാട്ടുപന്നിയുടെ ആക്രമണത്തില്‍ തെറിച്ചുവീണ മനീഷയുടെ നിലവിളി കേട്ട് പരിസരവാസികള്‍ ഓടിയെത്തിയപ്പോഴാണ് കാട്ടുപന്നി ഒഴിഞ്ഞു മാറിയത്. മുക്കത്തെ സ്വകാര്യ ആശുപത്രിയില്‍ പ്രവേശിപ്പിച്ച യുവതിയെ പിന്നീട് കോഴിക്കോട് മെഡിക്കല്‍ കോളജ് ആശുപത്രിയിലേക്ക് മാറ്റി.
