ബത്തേരി: പൂമല മക് ലോഡ്സ് ഇംഗ്ലീഷ് സ്കൂളിലെ വായനാ ദിനാചരണവും 19 പുസ്തകങ്ങളുടെ അവതരണവും-റീഡത്തോൺ നടത്തി. താലൂക്ക് ലൈബ്രറി കൗൺസിൽ സെക്രട്ടറിയും എഴുത്തുകാരനുമായ പി കെ സത്താർ ഉൽഘാടനം ചെയ്തു. പ്രിൻസിപ്പാൾ ഡോ. ബീന സി എ അധ്യക്ഷത വഹിച്ചു.
കോ ഓർഡിനേറ്റർ ധനേഷ് ചീരാൽ സ്വാഗതവും ദീപ റ്റി പി നന്ദിയും പറഞ്ഞു.
പ്രശസ്ത സാംസ്കാരിക-സാഹിത്യ പ്രവർത്തകയായ കസ്തുരി ബായി ടീച്ചർ, ഗായകനും കഥാകൃത്തും മജീഷ്യനുമായ എൻ കെ ശശി, തിരക്കഥാകൃത്തും ഗാന രചയിതാവുമായ ആൻ്റണി ചീരാൽ എന്നിവരും ആറ് അധ്യാപകരും പത്ത് വിദ്യാർത്ഥികളും പുസ്തകാവതരണം നടത്തി റീഡത്തോണിൽ പങ്കുചേർന്നു. അനീഷ് തോമസ്, ദീപാകുമാരി എസ്, ദിവ്യ എം.പി, റോയ്സ് റ്റിമൽ എന്നിവർ പരിപാടികൾക്ക് നേതൃത്വം നൽകി.
