പേരാമ്പ്ര: കേരള മുസ്ലിംകളുടെ നവോത്ഥാന പ്രസ്ഥാനമായ കേരള നദ് വത്തുല്‍ മുജാഹിദിന്റെ വിദ്യാര്‍ഥി സംഘടനയായ മുജാഹിദ് സറ്റുഡന്റ്‌സ് മൂവ്‌മെന്റ് (എം.എസ്.എം) കേരളത്തിലുടനീളം നടത്തുന്ന ഹൈസെക് (ഹയര്‍സെക്കന്ററി സ്റ്റുഡന്‍സ് കോണ്‍ഫറന്‍സ്) പേരാമ്പ്രയിലും നടക്കുകയാണ്. എം.എസ്.എം കോഴിക്കോട് നോര്‍ത്ത് ജില്ലാ കമ്മിറ്റിയുടെ ആഭിമുഖ്യത്തില്‍ നവംബര്‍ 12ന് ഞായറാഴ്ച പേരാമ്പ്ര വെള്ളിയൂരിലെ ഹിമായ കണ്‍വന്‍ഷന്‍ സെന്ററിലാണ് പരിപാടി നടക്കുന്നത്.
വിവിധ സെഷനുകളില്‍ വിവിധങ്ങളായ പരിപാടികള്‍ നടക്കും. ജില്ലയിലെ രണ്ടായിരത്തോളം വിദ്യാര്‍ഥികള്‍ പരിപാടിയില്‍ പങ്കെടുക്കും. ഫലസ്തീന്‍ ഐക്യദാര്‍ഢ്യ പ്രതിജ്ഞ, കരിയര്‍ ഗൈഡന്‍സ്, മോട്ടിവേഷന്‍ ക്ലാസുകള്‍, ഗേള്‍സ് ഗാതറിങ്ങ് തുടങ്ങിയവ ശ്രദ്ധേയമായ പരിപാടികളാണ്.
സംസ്ഥാനത്ത് പതിനാറോളം കേന്ദ്രങ്ങളില്‍ ഹൈസെക് നടക്കുന്നുണ്ട്. പേരാമ്പ്രയില്‍ ഞായറാഴ്ച രാവിലെ ഏഴിന് ആരംഭിക്കുന്ന പരിപാടി രാത്രിയാണ് സമാപിക്കുക. കെ എന്‍ എം കോഴിക്കോട് ജില്ല നോര്‍ത്ത് കമ്മിറ്റി പ്രസിഡന്റ് വി.പി അബ്ദുസലാം മാസ്റ്റര്‍ ഉദ്ഘാടനം നിര്‍വഹിക്കുന്ന പരിപാടി രാവിലെ ഒന്‍പത് മണിയോടെ ആരംഭിക്കും.
കെ. മുരളീധരന്‍ എം.പി മുഖ്യാതിഥിയായിരിക്കും. സി.കെ പോക്കര്‍ മാസ്റ്റര്‍, ഫാറൂഖ് അഹമദ്, ഇബ്രാഹീം ഫാറൂഖി, ഷമീര്‍ വാകയാട്, ആര്‍.കെ മൂസ, ടി.പി മൊയ്തു, ടി.വി അബ്ദുല്‍ഖാദര്‍, അബ്ദുറഹിമാന്‍ വമ്പന്‍,സി.എച്ച് അമ്മദ് ഹാജി, എന്‍. കുഞ്ഞബ്ദുല്ലമാസ്റ്റര്‍, സി.എം അബ്ദുറഹിമാന്‍ മാസ്റ്റര്‍, കരിം കോച്ചേരി, ആര്‍.കെ മുനീര്‍, നദീം ടി.ടി.കെ പങ്കെടുക്കും.
വിവിധ സെഷനുകളിലായി ഫഹദ് മണിയൂര്‍, ശാഹിദ് മുസ്ലിം ഫാറൂഖി, ജലീല്‍ മാമാങ്കര, സുഹൈല്‍ ഫുര്‍ഖാനി, അസീം തെന്നല, ഫഹദ് ബിന്‍ റഷീദ് സംസാരിക്കും.
