കോഴിക്കോട്: വാത്സല്യം അങ്കണവാടിക്ക് സൗജന്യമായി സ്ഥലം വിട്ടുനല്‍കി മാതൃകയായി ചമ്പയില്‍ അശോകന്‍. കോര്‍പ്പറേഷനിലെ 53 ഡിവിഷന്‍ പെരിങ്ങലോടിവയല്‍ ചമ്പയില്‍ കല്പനയുടെ മകന്‍ മനോജ് കല്ലുംപുറത്തിന്റെ ഓര്‍മ്മയ്ക്കായാണ് സൗജന്യമായി സ്ഥലം വിട്ടുനല്‍കിയത്.
കോര്‍പ്പറേഷന്‍ ക്ഷേമകാര്യ സ്റ്റാന്റിംഗ് കമ്മിറ്റി ചെയര്‍മാന്‍ പി ദിവാകരന്‍ സ്ഥലം ഉടമ ചമ്പയില്‍ അശോകനില്‍ നിന്നു ആധാരം ഏറ്റുവാങ്ങി. ഡിവിഷന്‍ കൗണ്‍സിലര്‍ വാടിയില്‍ നവാസ് അധ്യക്ഷത വഹിച്ചു. ജനമൈത്രി പോലീസ് ബീറ്റ് ഓഫീസര്‍ കെ കെ ശ്രീജിത്ത്, ഡിവിഷന്‍ കണ്‍വീനര്‍ ആഷിക്, അങ്കണവാടി ടീച്ചര്‍ സി.തങ്കമണി, ടി ഷാനില്‍, കല്ലും പുറത്ത് ദീപു എന്നിവര്‍ സംസാരിച്ചു
