ഇടുക്കി: കലുങ്കില്‍ നിന്നും കാല്‍ വഴുതി തോട്ടില്‍ വീണ യുവതി മരിച്ചു. നെടുങ്കണ്ടം വെളിയില്‍ ഷെറിന്റെ ഭാര്യാ ആശ( 26) ആണ് മരിച്ചത്. ചക്കകാനത്തെ സുഹൃത്തിന്റെ വീട്ടിലേയ്ക് വന്നതായിരുന്നു ആശയും ഭര്‍ത്താവും. വാഹനത്തില്‍ നിന്നും ഇറങ്ങുന്നതിനിടെ കാല്‍ വഴുതി തോട്ടിലേയ്ക് പതിയ്കുകയായിരുന്നു.
ഇന്നലെ രാത്രി എട്ട് മണിയോടെയാണ് അപകടം. നെടുങ്കണ്ടം ആശാരികണ്ടത്തെ സൃഹൃത്തിന്റെ വീട്ടിലേയ്ക്ക് പോവുകയായിരുന്നു ആശയും ഭര്‍ത്താവ് ഷെറിനും. പ്രദേശത്തെ തോടിന് മുകളിലുള്ള കലുങ്കില്‍ വാഹനം നിര്‍ത്തി ഇറങ്ങാന്‍ ശ്രമിയ്ക്കുന്നതിനിടെ ആശ കാല്‍ വഴുതി തോട്ടിലേയ്ക്ക് വീഴുകയായിരുന്നു.
