സിനിമ വര്‍ത്തമാനം / സുനിത സുനില്‍
റോയല്‍ എന്റര്‍പ്രൈസ്സസിന്റെ ബാനറില്‍ ടി. കുമാരദാസ് നിര്‍മ്മിക്കുന്ന ചിത്രമാണ് കുമ്പാരി. യുവാക്കളുടെ സൗഹൃദവും പ്രണയവും സഹോദരി സഹോദര ബന്ധവും പറയുന്ന ചിത്രത്തിന്റെ തിരക്കഥ എഴുതി സംവിധാനം ചെയ്തിരിക്കുന്നത് കെവിന്‍ ജോസഫ് ആണ്.ആക്ഷന്‍ വിത്ത് കോമഡി തമിഴ് ചിത്രത്തില്‍ വിജയ് വിശ്വ, നലീഫ് ജിയ എന്നിവര്‍ കേന്ദ്ര കഥാപാത്രമായി എത്തുന്നു. ചിത്രത്തിലെ നായിക മഹാന സഞ്ജീവിയാണ്. ജോണ്‍ വിജയ്, ജയിലറിലെ ശരവണന്‍, ചാംസ്, മധുമിത, സെന്തി കുമാരി, കാതല്‍ സുകുമാര്‍, ബിനോജ് കുളത്തൂര്‍ തുടങ്ങിയവരാണ് മറ്റു താരങ്ങള്‍.
യൂട്യൂബര്‍ ആയ നായിക. എങ്ങനെ എങ്കിലും യൂട്യൂബിലൂടെ പ്രശസ്ത ആകണം എന്ന മോഹവുമായി നടക്കുന്നു. ഇതുമായി ബന്ധപ്പെട്ട പ്രാങ്ക് ഷോയ്ക്കു ഇടയില്‍ വെച്ചു നായകനെ കാണുന്നു. ഇരുവരും പ്രണയത്തിലാകുന്നു. ഇതറിഞ്ഞ നായികയുടെ സഹോദരന്‍ ഇവരുടെ ബന്ധം സമ്മതിക്കാതെ ഇരിക്കുന്നു. ഇതേതുടര്‍ന്ന് ഉണ്ടാകുന്ന സംഭവങ്ങളാണ് ഇതിന്റെ കഥാവൃത്തം.
പ്രസാദ് ആറുമുഖം ആണ് ചിത്രത്തിന്റെ ഛായഗ്രഹാകന്‍. ടി. എസ് ജയ് എഡിറ്റിങ് നിര്‍വഹിക്കുന്ന ചിത്രത്തിന്റെ കലാ സംവിധാനം സന്തോഷ് പാപ്പനംകോട് ആണ്. വിനോദന്‍, അരുണ്‍ ഭാരതി, സിര്‍കാളി സിര്‍പ്പി എന്നിവരുടെ വരികള്‍ക്ക് ജയപ്രകാശ്, ജയദീന്‍, പ്രിത്വി എന്നിവരാണ് ഈണം പകര്‍ന്നിരിക്കുന്നത്. അന്തോണി ദാസ്, ഐശ്വര്യ, സായ് ചരണ്‍ എന്നിവരാണ് ഗാനം ആലപിച്ചിരിക്കുന്നത്.
ഡാന്‍സ് രാജു മുരുകന്‍, സ്റ്റണ്ട് മിറാക്കിള്‍ മൈക്കിള്‍, മിക്‌സിങ് കൃഷ്ണ മൂര്‍ത്തി, എഫക്ട് റാണ്ടി ,കളറിസ്റ്റ് രാജേഷ്, ഡിസൈന്‍ ഗിട്‌സണ്‍ യുഗ എന്നിവരാണ് മറ്റു അണിയറ പ്രവര്‍ത്തകര്‍. ചിത്രം ജനുവരി 5ന് കേരളം,തമിഴ്‌നാട്, ആന്ധ്രപ്രദേശ്, കര്‍ണാടക, തെലുങ്കാനാ എന്നിവിടങ്ങളിലായി തിയേറ്ററുകളില്‍ എത്തും. തന്ത്ര മീഡിയ റിലീസ് ആണ് ചിത്രം തിയേറ്ററുകളില്‍ എത്തിക്കുന്നത്.
