“വിശ്വാസ വിശുദ്ധി സംതൃപ്ത കുടുംബം” എന്ന പ്രമേയത്തിൽ മേയ് 5 ന് കോഴിക്കോട് വെച്ച് നടക്കുന്ന വിസ്ഡം ഇസ്ലാമിക് ഓർഗനൈസേഷൻ സൗത്ത് ജില്ല ഫാമിലി കോൺഫറൻസിന്റെ സിറ്റി മണ്ഡലം പ്രചരണോദ്ഘാടനം വിസ്ഡം ഇസ്ലാമിക് ഓർഗനൈസേഷൻ സംസ്ഥാന ട്രഷറർ
കെ. സജ്ജാദ് ഉദ്ഘാടനം ചെയ്തു. പ്രസിഡന്റ് എ.എം അബ്ദുസമദ് അധ്യക്ഷത വഹിച്ചു. പ്രമുഖ ഇസ്ലാഹി പ്രഭാഷകൻ മുനവ്വർ സ്വലാഹി “സംതൃപ്ത കുടുംബം” എന്ന വിഷയത്തിൽ മുഖ്യ പ്രഭാഷണം നടത്തി. ജില്ല ജോ.സിക്രട്ടറി ജംസീർ പി.സി. ആശംസ അർപ്പിച്ച് സംസാരിച്ചു. ചടങ്ങിൽ പീസ് റേഡിയോ ടെലീ ക്വിസ്സിൽ വിജയികളായ വിദ്യാർത്ഥികൾക്ക് കെ. സജ്ജാദും, മുനവ്വർ സ്വലാഹിയും സമ്മാനങ്ങൾ നൽകി. മണ്ഡലം ട്രഷറർ കെ.വി മുഹമ്മദ് ശുഹൈബ് സ്വാഗതവും വിസ്ഡം യൂത്ത് മണ്ഡലം സിക്രട്ടറി കെ.കെ മുഹമ്മദ് ഷെഹീലിന്റെ നന്ദിയും പറഞ്ഞു.
