കോഴിക്കോട്: കേരള നദ്‌വത്തുൽ മുജാഹിദീൻ(കെ.എൻ.എം) കോഴിക്കോട് സൗത്ത് ജില്ലാ കമ്മിറ്റി സംഘടിപ്പിക്കുന്ന ഹജ്ജ് പഠന ക്യാമ്പ് മെയ് 1 ബുധനാഴ്ച രാവിലെ 9മണി മുതൽ കോഴിക്കോട് ചെറൂട്ടി റോഡിലെ എം.എസ്.എസ് ഓഡിറ്റോറിയത്തിൽ വെച്ച് നടക്കും. ഹജ്ജ് പഠന ക്യാമ്പ് കെ.എൻ.എം സംസ്ഥാന പ്രസിഡന്റ് ടി.പി അബ്ദുല്ലക്കോയ മദനി ഉദ്ഘാടനം ചെയ്യും. ഹജ്ജ് ചരിത്രം ഓർമ്മപ്പെടുത്തൽ, പരിശുദ്ധ ഹജ്ജ് കർമ്മങ്ങളിലൂടെ, ഹാജിമാർ ശ്രദ്ദിക്കേണ്ട ആരോഗ്യ കാര്യങ്ങൾ, ഹജ്ജിന്റെ ആത്മാവ് തുടങ്ങിയ വിഷയങ്ങളിൽ ഡോ.ഹുസൈൻ മടവൂർ, സി.സലീം സുല്ലമി, അലി ശാക്കിർ മുണ്ടേരി എന്നിവർ ക്ലാസുകൾക്ക് നേതൃത്വം നൽകും. ഹജ്ജുമായി ബന്ധപ്പെട്ട സംശയ നിവാരണത്തിനുള്ള തുറന്ന അവസരവും പഠന ക്യാമ്പിൽ ഉണ്ടാകുമെന്ന് കെ.എൻ.എം കോഴിക്കോട് സൗത്ത് ജില്ലാ പ്രസിഡണ്ട് സി.മരക്കാരുട്ടി, സെക്രട്ടറി വളപ്പിൽ അബ്ദുസ്സലാം എന്നിവർ അറിയിച്ചു.
