പെരുമണ്ണ : സംസ്ഥാന വൈദ്യുതി ബോർഡ്, എനർജി മാനേജ്മെൻ്റ് സെൻ്റർ കേരള, ബ്യൂറോ ഓഫ് എനർജി എഫിഷ്യൻസി എന്നിവയുടെ മുഖ്യ സഹകരണത്തോടെ പെരുമണ്ണ ഗ്രാമ പഞ്ചായത്ത് കുടുംബശ്രീ സി ഡി എസുമായി ചേർന്ന് കാളാണ്ടിത്താഴം ദർശനം ഗ്രന്ഥാലയം വേനൽക്കാല ഊർജ സംരക്ഷണ കാമ്പയിൻ സംഘടിപ്പിച്ചു. ഊർജകിരൺ പരിശീലനം പെരുമണ്ണ ഗ്രാമ പഞ്ചായത്ത് പ്രസിഡൻ്റ് ഷാജി പുത്തലത്ത് ഉദ്ഘാടനം ചെയ്തു. വൈസ് പ്രസിഡൻ്റ് സി ഉഷ അധ്യക്ഷയായി. പെരുമണ്ണ ഇലക്ട്രിക്കൽ സെക്ഷൻ അസിസ്റ്റൻ്റ് എഞ്ചിനീയർ എ കെ ഗോപകുമാർ ക്ളാസ് എടുത്തു. ദർശനം സെക്രട്ടറി എം എ ജോൺസൺ, കോഴിക്കോട് താലൂക്ക് ലൈബ്രറി കൗൺസിൽ അംഗം രാജപ്പൻ എസ് നായർ, പഞ്ചായത്ത് അസിസ്റ്റൻ്റ് സെക്രട്ടറി എസ് അഞ്ലി എന്നിവർ പ്രസംഗിച്ചു. കുടുംബശ്രീ സി ഡി എസ് ചെയർപേഴ്സൺ ഇ കെ സുമം സ്വാഗതവും വൈസ് ചെയർപേഴ്സൺ പി കെ സ്മിത നന്ദിയും പറഞ്ഞു. ഫോട്ടോ: 1)വൈദ്യുതി ബോർഡ് പെരുമണ്ണ ഇലക്ട്രിക്കൽ സെക്ഷൻ എ ഇ എ കെ ഗോപകുമാർ ക്ളാസ് നയിക്കുന്നു.
