തലശ്ശേരി : തലശ്ശേരി സൗത്ത് ഉപജില്ല വിദ്യാരംഗം കലാസാഹിത്യവേദി പ്രവർത്തന ഉദ്ഘാടനം തലശ്ശേരി മുബാറക്ക് ഹയർ സെക്കൻഡറി സ്കൂളിൽ സാംസ്കാരിക പ്രവർത്തകൻ എം വി ജനാർദ്ദനൻ മാസ്റ്റർ നിർവഹിച്ചു. തലശ്ശേരി സൗത്ത് ഉപജില്ല എ ഇ ഒ സുജാത എ പി അധ്യക്ഷത വഹിച്ചു.
മുബാറക്ക് ഹയർസെക്കൻഡറി സ്കൂൾ പ്രിൻസിപ്പൽ ടി എം മുഹമ്മദ് സാജിദ്, പ്രധാനാധ്യാപകൻ എം പി മജീദ്, വിദ്യാരംഗം ഉപജില്ലാ കോഡിനേറ്റർ സി പി ഷാജി, ഡയറ്റ് ഫാക്കൽട്ടി അനുപമ ബാലകൃഷ്ണൻ, മുബാറക് ഹയർ സെക്കൻഡറി സ്കൂൾ മാനേജർ സി ഹാരിസ് ഹാജി, സ്റ്റാഫ് സെക്രട്ടറി കെ പി അഷറഫ്, പി ടി എ പ്രസിഡണ്ട് ട്ടി വി എ ബഷീർ, ഹെഡ്മാസ്റ്റർ ഫോറം പ്രതിനിധി ജയരാജ് കെ പി, വിദ്യാരംഗം ഉപജില്ല നിർവാഹക സമിതി അംഗം നിഷാ റാണി എന്നിവർ പ്രസംഗിച്ചു.
ഉച്ചക്കുശേഷം നടന്ന സർഗ്ഗ സല്ലാപത്തിന് ജിഷ്ണു നിളളങ്ങൽ നേതൃത്വം നൽകി. തലശ്ശേരി സൗത്ത് ഉപജില്ലയിലെ വിവിധ വിദ്യാലയങ്ങളിൽ നിന്നായി 250ലധികം പ്രതിഭകൾ ചടങ്ങിൽ പങ്കെടുത്തു.
