തിരുവനന്തപുരം: പ്രേംനസീർ അഭിനയിച്ച ചിത്രങ്ങളിലെ ഗാനങ്ങൾ അവതരിപ്പിക്കാൻ ഒരു പുതിയ കൂട്ടായ്മ -പ്രേംസിംഗേർസ്. എല്ലാ മാസവും പ്രേംസിംഗേർസ് ഗാനകൂട്ടായ്മയിലൂടെ നിരവധി ഗായകർ ഗാനാലാപനം നടത്തും.
പ്രേംനസീർ സുഹൃത് സമിതിയുടെ നേതൃത്വത്തിൽ ആണ് പ്രേംസിംഗേർസ് രൂപം കൊള്ളുന്നത്. ആഗസ്റ്റ് 20 ന് തിരുവനന്തപുരം വട്ടിയൂർക്കാവ് പഞ്ചാനന സ്മാരക ഗ്രന്ഥശാലാ ഹാളിൽ പ്രേംസിംഗേർസ് ഉദ്ഘാടനം ചെയ്യും.
വൈകുന്നേരം 4 ന് സംഗീത സംവിധായകൻ ദർശൻരാമൻ പ്രേംസിംഗേർസ് ഉൽഘാടനം നിർവ്വഹിക്കുന്നു. സംവിധായകൻ ഡോ: സന്തോഷ് സൗപർണിക ലോഗോ പ്രകാശനം ചെയ്യും. ചലച്ചിത്ര താരം ദീപാസുരേന്ദ്രൻ ലോഗോ സ്വീകരിക്കും.
നടൻ വഞ്ചിയൂർ പ്രവീൺകുമാർ, സംവിധായകൻ ജോളിമസ്, ഫിലിം പി.ആർ. ഒ. അജയ് തുണ്ടത്തിൽ, സമിതി ഭാരവാഹികളായ തെക്കൻ സ്റ്റാർ ബാദുഷ, പനച്ചമൂട് ഷാജഹാൻ, റഹിം പനവൂർ എന്നിവർ സംബന്ധിക്കും. തുടർന്ന് നിത്യഹരിത ഗാനസന്ധ്യയും ഉണ്ടാകും.
