തിരുവനന്തപുരം: കാന്സര് മരുന്നുകള് ഇനി സംസ്ഥാനത്ത് ഏറ്റവും കുറഞ്ഞ വിലയില് ലഭിക്കും. ആദ്യഘട്ടത്തില് 14 ജില്ലകളിലും 14 കാരുണ്യ കൗണ്ടറുകളിലൂടെ മരുന്നുകൾ വാങ്ങാം.
‘കാരുണ്യ സ്പര്ശം’ ഉദ്ഘാടനം മുഖ്യമന്ത്രി പിണറായി വിജയന് തിരുവനന്തപുരത്ത് ഇന്ന് നിര്വഹിക്കും.
ഇപ്പോള് കാരുണ്യ ഫാര്മസുകളിലൂടെ വിതരണം ചെയ്യുന്ന 247 ഇനം മരുന്നുകളാണ് സീറോ പ്രോഫിറ്റായി നല്കുന്നത്.
സംസ്ഥാന സര്ക്കാരിന്റെ 100ദിന കര്മ്മപരിപാടികളുടെ ഭാഗമായാണ് സംസ്ഥാന ആരോഗ്യ വകുപ്പ് പുതിയ പദ്ധതിയ്ക്ക് തുടക്കമിടുന്നത്.
തിരുവനന്തപുരം മെഡിക്കല് കോളേജ്, ഗവ. കൊല്ലം വിക്ടോറിയ ആശുപത്രി, പത്തനംതിട്ട ജനറല് ആശുപത്രി, ആലപ്പുഴ മെഡിക്കല് കോളേജ്, കോട്ടയം മെഡിക്കല് കോളേജ്, ഇടുക്കി നെടുങ്കണ്ടം താലൂക്ക് ആശുപത്രി, എറണാകുളം മെഡിക്കല് കോളേജ്
തൃശൂര് മെഡിക്കല് കോളേജ്, പാലക്കാട് ജില്ലാ ആശുപത്രി, മലപ്പുറം തിരൂര് ജില്ലാ ആശുപത്രി, കോഴിക്കോട് മെഡിക്കല് കോളേജ്, മാനന്തവാടി ജില്ലാ ആശുപത്രി, കണ്ണൂര് പരിയാരം മെഡിക്കല് കോളേജ്. കാസര്ഗോഡ് ജനറല് ആശുപത്രി എന്നിവയാണ് ക്യാൻസർ മരുന്നുകള് വില കുറച്ച് ലഭിക്കുന്ന കാരുണ്യ ഫാര്മസികള്.