തിരുവനന്തപുരം: കേരള ക്രിക്കറ്റ് ലീഗിൽ ഇന്ന് നടന്ന മത്സരത്തിൽ കാലിക്കറ്റ് ഗ്ലോബ്സ്റ്റാറിനെ 8 വിക്കറ്റിന് ഏരീസ് കൊല്ലം പരാജയപ്പെടുത്തി. കാലിക്കറ്റ് ഗ്ലോബ്സ്റ്റാർ ഉയർത്തിയ 105 റൺസ് വിജയല‍ക്ഷ‍്യം 16.4 ഓവറിൽ മറികടന്നാണ് കൊല്ലം ഏരീസ് വിജയം കണ്ടത്.
അർധ സെഞ്ചുറി നേടിയ ഓപ്പണിംഗ് ബാറ്റർ അഭിഷേക് നായരുടെ മികച്ച പ്രകടനമാണ് കൊല്ലം ഏരീസിനെ വിജയത്തിലേക്ക് നയിച്ചത്. 47 പന്തിൽ നിന്ന് നാല് സിക്സും മൂന്ന് ഫോറുമടക്കം 61 റൺസാണ് അഭിഷേക് നേടിയത്. വി.ഗോവിന്ദ് (16), അരുൺ പൗലോസ് (10), ക‍്യാപ്റ്റൻ സച്ചിൻ ബേബി (19) റൺസും നേടി.
തുടക്കത്തിലെ ടോസ് നഷ്ട്ടമായ് ബാറ്റിംഗിനിറങ്ങിയ കാലിക്കറ്റ് ഗ്ലോബ്സ്റ്റാറിന് 20 ഓവറിൽ 9 വിക്കറ്റ് നഷ്ട്ടത്തിൽ 104 റൺസെടുക്കാനെ സാധിച്ചുള്ളു.
