കോഴിക്കോട് : സ്വതന്ത്ര ബുക്സ് പ്രസിദ്ധീകരിച്ച ലീലാവതിയുടെ കഥാസമാഹാരം ‘പടച്ചോൻ്റെ മുഖം’ ഇൻഡോർ സ്റ്റേഡിയം ഓഡിറ്റോറിയത്തിൽ പ്രകാശനം ചെയ്തു. വടകര ആർ.ഡി.ഒ. ഷാമിൻ സെബാസ്റ്റ്യൻ എഴുത്തുകാരി സൽമി സത്യാർത്ഥിക്ക് കൈമാറി പ്രകാശനകർമ്മം നിർവഹിച്ചു. ശക്തമായ സ്ത്രീ കഥാപാത്രങ്ങളുടെ സാന്നിദ്ധ്യം കൊണ്ട് ശ്രദ്ധേയമായ എട്ട് കഥകളാണ് സമാഹാരത്തിലുള്ളത്. ദർശനം ഗ്രന്ഥശാല സെക്രട്ടറി എം.എ. ജോൺസൺ അദ്ധ്യക്ഷനായി.
പേരാമ്പ്ര ഹയർ സെക്കണ്ടറി സ്കൂൾ അധ്യാപകൻ പി. സി. അശോകൻ പുസ്തക പരിചയം നടത്തി. എഴുത്തുകാരി ശ്രീലത രാധാകൃഷ്ണൻ, ദർശനം ജോയിൻ്റ് സെക്രട്ടറി ടി.കെ. സുനിൽ കുമാർ, ദി പേജ് മെൻ്റർ ടി.എ. ഖുറേഷി, എഴുത്തുകാരി ബീനാ വിജയൻ എന്നിവർ സംസാരിച്ചു. സ്വതന്ത്ര ബുക്സ് കൺസൾട്ടിങ്ങ് എഡിറ്റർ പി. സിദ്ധാർത്ഥൻ സ്വാഗതവും എഴുത്തുകാരി ലീലാവതി നന്ദിയും പറഞ്ഞു.
