കോഴിക്കോട്- യുണൈറ്റഡ് ഇൻഡോർ കോംപാക്ട് (യുഐസി) സംഘടിപ്പിക്കുന്ന ഇന്റർനാഷണൽ കിക്ക് ബോക്സിംഗ്, ബോക്സിംഗ് മത്സരങ്ങൾ 23 മുതൽ 25 വരെ കോഴിക്കോട് ലുലു മാളിൽ.
കിക്ക് ബോക്സിങ് , ബോക്സിങ്, രംഗത്തെ ദേശീയ അന്തർദേശീയ താരങ്ങളെ പങ്കെടുപ്പിച്ചുകൊണ്ടാണ് പരിപാടി സംഘടിപ്പിച്ചിരിക്കുന്നത്. 23ന് വൈകിട്ട് അഞ്ചിന് കളിക്കാരെ പരിചയപ്പെടുത്തൽ (ഫേസ് ഓഫ്) നടക്കും. 24ന് വൈകിട്ട് ആറു മതുൽ 12 വരെ യുഐസി ഇന്റർ നാഷണൽ ഫൈറ്റ് നൈറ്റ് അരങ്ങേറും. 12 പോരാട്ടങ്ങൾക്കാണ് വേദി സാക്ഷിയാവുക. 25ന് UIC, KBC, IBC ബോക്സിംഗ് ഫൈറ്റ് നൈറ്റ് നടക്കും. ലുലു മാളിനെ അക്ഷരാർത്ഥത്തിൽ ഇടിക്കൂടാക്കി മാറ്റുന്ന പരിപാടി കോഴിക്കോട്ടെ കായികാസ്വാദകർക്ക് അമൂല്യ അവസരമാകുമെന്ന് അസോസിയേഷൻ ഭാരവാഹികളായ രഞ്ജിത് ആർവിയോൺസ്.വിഷ്ണു കെ എന്നിവർ പറഞ്ഞു. സൗജന്യ ടിക്കറ്റുകൾക്ക് – 9633797838, 9746607243 എന്നീ നമ്പറുകളിൽ ബന്ധപ്പെടാവുന്നതാണ്.
