വയനാട്ടില്‍ വീണ്ടും നോറോ വൈറസ്; പൂക്കോട് നവോദയ സ്‌കൂള്‍ വിദ്യാര്‍ത്ഥിയിലാണ് രോഗബാധ സ്ഥിരീകരിച്ചത്

Kerala
nvadmin108 Comments on വയനാട്ടില്‍ വീണ്ടും നോറോ വൈറസ്; പൂക്കോട് നവോദയ സ്‌കൂള്‍ വിദ്യാര്‍ത്ഥിയിലാണ് രോഗബാധ സ്ഥിരീകരിച്ചത്
Share
                

കല്പറ്റ: വയനാട് ജില്ലയില്‍ വീണ്ടും നോറോ വൈറസ് സ്ഥിരീകരിച്ചു. പൂക്കോട് നവോദയ സ്‌കൂളിലെ ഒരു വിദ്യാര്‍ത്ഥിക്കാണ് വൈറസ് ബാധ: ആലപ്പുഴയിലെ നാഷണല്‍ വൈറോളജി ഇന്‍സ്റ്റിറ്റിയൂട്ടില്‍ കുട്ടിയുടെ സ്റ്റൂള്‍ പരിശോധന നടത്തിയപ്പോഴാണ് നോറോ വൈറസ് സ്ഥിരീകരിച്ചത്.

നവോദയ സ്‌കൂളിലെ വിദ്യാര്‍ത്ഥികള്‍ക്കിടയില്‍ കഴിഞ്ഞ 10 ദിവസങ്ങളിലായി വയറിളക്കവും ഛര്‍ദ്ദിയും റിപ്പോര്‍ട്ട് ചെയ്തതിനെ തുടര്‍ന്നാണ് ആരോഗ്യ വകുപ്പിന്റെ നേതൃത്വത്തില്‍ വിദഗ്ദ സംഘം സ്ഥലം സന്ദര്‍ശിച്ച് വിദ്യാര്‍ത്ഥികളുടെ മലം പരിശോധനയ്ക്കായി അയച്ചത്. അഞ്ച് സാമ്പിളുകള്‍ പരിശോധനക്കയച്ചതില്‍ ഒരെണ്ണമാണ് പോസിറ്റീവ് ഫലം ലഭിച്ചത്. സമാന ലക്ഷണങ്ങള്‍ ഉള്ളതിനാല്‍ മറ്റ് കുട്ടികള്‍ക്കും നോറോ വൈറസ് ഇന്‍ഫക്ഷന്‍ തന്നെയെന്നാണ് ആരോഗ്യ വകുപ്പിന്റെ നിഗമനമെന്ന് ജില്ലാ മെഡിക്കല്‍ ഓഫീസര്‍ ഇന്‍ ചാര്‍ജ്ജ് ഡോ. ദിനീഷ് പി വ്യക്തമാക്കി. വയനാട്ടില്‍ 2021 നവംബര്‍ മാസത്തിലാണ് ഇതിന് മുമ്പ് ഇത് സ്ഥിരീകരിച്ചത്. ആരോഗ്യ വകുപ്പ് പരിശോധന ഫലം വരുന്നതിന് മുമ്പ് തന്നെ നോറോ വൈറസ് ബാധയാണ് എന്ന രീതിയില്‍ തന്നെ പ്രതിരോധ പ്രവര്‍ത്തനങ്ങള്‍ ഊര്‍ജിതപ്പെടുത്തിയിട്ടുണ്ടെന്നും ജനങ്ങള്‍ ജാഗ്രത പാലിക്കേണ്ടതാണെന്നും ഭയപ്പെടേണ്ട സാഹചര്യം നിലവിലില്ലെന്നും ജില്ലാ മെഡിക്കല്‍ ഓഫീസര്‍ അറിയിച്ചു.

വയറിളക്കം, വയറുവേദന, ഛര്‍ദ്ദി, മനംമറിച്ചില്‍, പനി, തലവേദന, ശരീരവേദന തുടങ്ങിയവയാണ് നോറോ വൈറസ് രോഗ ലക്ഷണങ്ങള്‍. ഛര്‍ദ്ദി, വയറിളക്കം എന്നിവ മൂര്‍ച്ഛിച്ചാല്‍ നിര്‍ജലീകരണം സംഭവിക്കുകയും രോഗം ഗുരുതരാവസ്ഥയിലേക്ക് മാറുകയും ചെയ്യും. മലിനമായ ജലത്തിലൂടെയും ഭക്ഷണത്തിലൂടെയുമാണ് രോഗം പകരുന്നത്. രോഗ ബാധയേറ്റ വ്യക്തികളുമായി നേരിട്ടുള്ള സമ്പര്‍ക്കത്തിലൂടെയും രോഗം പടരും. രോഗബാധിതനായ വ്യക്തിയില്‍ നിന്ന് പുറത്തെത്തുന്ന ശ്രവങ്ങളിലൂടെ വൈറസ് പ്രതലങ്ങളില്‍ തങ്ങി നില്‍ക്കുകയും അവയില്‍ സ്പര്‍ശിക്കുന്നവരുടെ കൈകളിലേക്ക് പടരുകയും ചെയ്യും. കൈകള്‍ കഴുകാതെ മൂക്കിലും വായിലും തൊടുന്നതോടെ വൈറസ് ശരീരത്തില്‍ വ്യാപിക്കും. നവംബര്‍ മുതല്‍ ഏപ്രില്‍ വരെയുള്ള മാസങ്ങളിലാണ് നോറോ വൈറസ് കൂടുതലായും പടരുന്നത്. പ്രായഭേദമന്യോ എല്ലാവരിലും വൈറസ് ബാധിക്കാം.

വൈറസ് ബാധിച്ച് രണ്ട് ദിവസങ്ങള്‍ക്കുള്ളില്‍ ലക്ഷണങ്ങള്‍ പ്രകടമാകും. ഒന്ന് മുതല്‍ മൂന്ന് ദിവസങ്ങള്‍ക്കുള്ളില്‍ തന്നെ രോഗലക്ഷണങ്ങള്‍ മാറാം. എന്നാല്‍ അത് കഴിഞ്ഞുള്ള രണ്ട് ദിവസങ്ങള്‍ വരെ രോഗിയില്‍ നിന്ന് വൈറസ് പടരാന്‍ സാധ്യതയുണ്ട്.

മറ്റ് വാർത്തകൾ

സര്‍ക്കാര്‍ വകുപ്പുകള്‍ക്ക് മൂന്ന് കോടി വരെയുള്ള ഉല്‍പ്പന്നങ്ങള്‍ സ്റ്റാര്‍ട്ടപ്പുകളില്‍ നിന്ന് വാങ്ങാം

Team NTV

ഹോട്ടലില്‍ നിന്ന് ഷവര്‍മ കഴിച്ചവര്‍ക്ക് ഭക്ഷ്യ വിഷബാധ

nvadmin

വയനാടോ റായ്ബറേലിയോ, സസ്‌പെന്‍സ് നിലനിര്‍ത്തി രാഹുല്‍

nvadmin

108 thoughts on “വയനാട്ടില്‍ വീണ്ടും നോറോ വൈറസ്; പൂക്കോട് നവോദയ സ്‌കൂള്‍ വിദ്യാര്‍ത്ഥിയിലാണ് രോഗബാധ സ്ഥിരീകരിച്ചത്”

  78. В этой информационной статье вы найдете интересное содержание, которое поможет вам расширить свои знания. Мы предлагаем увлекательный подход и уникальные взгляды на обсуждаемые темы, побуждая пользователей к активному мышлению и критическому анализу!
    Детальнее – https://medalkoblog.ru/

Leave a Reply

Your email address will not be published. Required fields are marked *