പെരിക്കല്ലൂർ: ഗവ.ഹയർ സെക്കണ്ടറി സ്കൂളിൻ്റെ അറുപത്തിയേഴാമത് വാർഷികാഘോഷവും വിരമിക്കുന്ന അധ്യാപക ഓഫീസ് ജീവനക്കാർക്കുള്ള യാത്രയയപ്പും “പെരിക്കല്ലൂർ പെരുമ 2K25 ” എന്ന പേരിൽ വിപുലമായ രീതിയിൽ നടന്നു. വാർഷികാഘോഷങ്ങളുടെ ഉദ്ഘാടനം ജില്ലാ പഞ്ചായത്ത് പ്രസിഡൻ്റ് സംഷാദ് മരക്കാർ നിർവ്വഹിച്ചു.
പി.ടി.എ.പ്രസിഡൻ്റ് ജി.ജി.ഗിരീഷ്കുമാർ അധ്യക്ഷത വഹിച്ചു. വിരമിക്കുന്ന പ്രധാനാധ്യാപകൻ ഷാജി പുൽപ്പള്ളി, ഹയർ സെക്കണ്ടറി അധ്യാപകൻ ജോഷി അബ്രഹാം, സീനിയർ അസിസ്റ്റൻ്റ് ഷാജി മാത്യു, ഹൈസ്കൂൾ അധ്യാപിക സുഭാവതി കെ.സി, ഓഫീസ് ജീവനക്കാരൻ ടോമി കെ.കെ. എന്നിവർക്കുള്ള പി.ടി.എ. യുടെ ഉപഹാര സമർപ്പണം മുള്ളൻകൊല്ലി ഗ്രാമപഞ്ചായത്ത് പ്രസിഡൻറ് പി.കെ.വിജയൻ നിർവ്വഹിച്ചു.
പ്രശസ്ത എഴുത്തുകാരൻ ഡോ.സോമൻ കടലൂർ മുഖ്യ പ്രഭാഷണം നടത്തി. വിരമിക്കുന്ന ജീവനക്കാരെ ജില്ലാഡിവിഷൻ മെമ്പർ എ.എൻ.സുശീലയും എച്ച്.എസ്.എസ്, എച്ച്.എസ്. സംസ്ഥാനതല വിജയികളെ ഗ്രാമ പഞ്ചായത്ത് മെമ്പർ ജോസ് നെല്ലേടവും ആദരിച്ചു. ഗ്രാമ പഞ്ചായത്ത് അംഗങ്ങളായ കലേഷ് വി.എസ്, സുധാ നടരാജൻ, പ്രിൻസിപ്പാൾ പി.കെ.വിനുരാജൻ, എസ്.എം.സി.ചെയർമാൻ പി.കെ.അബ്ദുൾ റസാഖ്, എം.പി.ടി.എ.പ്രസിഡൻറ് ഗ്രേസി റെജി, സ്റ്റാഫ് സെക്രട്ടറി സി.വി.രതീഷ്, ഷാൻ്റി ഇ.കെ, കുമാരൻ സി.സി, നിജിൽ പി.പി, മുഹമ്മദ് അസ് ലം എന്നിവർ ആശംസ അർപ്പിച്ച് സംസാരിച്ചു. തുടർന്ന് കുട്ടികളുടെ കലാപരിപാടികളും നാടൻ പാട്ടും നടന്നു.
