തലശ്ശേരി : ഇൻറർ മാനേജ്മെൻറ് ട്രാൻസ്ഫർ മുഖേന കടവത്തൂർ പി കെ എം ഹയർ സെക്കൻഡറി സ്കൂളിൽ പ്രധാന അധ്യാപകനായി സ്ഥാനക്കയറ്റം ലഭിച്ച മുബാറക് ഹയർ സെക്കൻഡറി സ്കൂൾ അധ്യാപകൻ റമീസ് പാറാലിന് സ്റ്റാഫ് കൗൺസിൽ യാത്രയയപ്പ് നൽകി. അധ്യാപനത്തിന് പുറമെ മികച്ച സംഘാടകനും എഴുത്തുകാരനും ഗ്രന്ഥകർത്താവും കരിയർ ഗൈഡൻസ് വിദഗ്ധനുമാണ്.
എസ് സി ഇ ആർ ടി സ്റ്റേറ്റ് റിസോഴ്സ് പേഴ്സൺ, സിജി സീനിയർ കരിയർ കൗൺസിലർ, കണ്ണൂർ യൂണിവേഴ്സിറ്റി എംപ്ലോയ്മെൻറ് ഇൻഫർമേഷൻ ആൻഡ് ഗൈഡൻസ് ബ്യൂറോ എക്സ്റ്റേണൽ ഫാക്കൽറ്റി എന്നീ പദവികളിൽ പ്രവർത്തിച്ചുവരുന്നു. ഭാര്യ: കടവത്തൂർ വെസ്റ്റ് യുപി സ്കൂൾ അധ്യാപിക കെ എം സുലൈഖ.
യാത്രയയപ്പ് യോഗം പ്രിൻസിപ്പൽ ടി എം മുഹമ്മദ് സാജിദ് ഉദ്ഘാടനം ചെയ്തു. പ്രധാനാധ്യാപകൻ കെ പി നിസാർ അധ്യക്ഷത വഹിച്ചു. സ്റ്റാഫ് സെക്രട്ടറി വി കെ അബ്ദുൽ ബഷീർ, സീനിയർ അസിസ്റ്റൻറ് എം കുഞ്ഞിമൊയ്തു, എസ് ആർ ജി കൺവീനർ കെ പി അഷറഫ്, നസീർ നെല്ലൂർ, പി എം അഷ്റഫ്, എ യു ഷമീല, സി കെ ശർമിയ, ടി ഷമീന, പി കെ അബ്ദുൽ സമദ്, പി പി മജീദ്, കെ അബൂബക്കർ, വി അബ്ദുൽ ജലീൽ, കെ എം അഷറഫ്, ടി അബ്ദുൽ സലാം, സി ടി സുമയ്യ എന്നിവർ പ്രസംഗിച്ചു. റമീസ് പാറാൽ മറുപടി പ്രസംഗം നടത്തി.
