ഈരാറ്റുപേട്ട: ഈരാറ്റുപേട്ട ബ്ലോക്ക് പഞ്ചായത്തില്‍ മികച്ച പ്രവര്‍ത്തനം കാഴ്ചവച്ച നിര്‍വഹണ ഉദ്യോഗസ്ഥരെ ആദരിക്കല്‍ മാണി സി കാപ്പന്‍ എം.എല്‍.എ. ഉദ്ഘാടനം ചെയ്തു. ചടങ്ങില്‍ വി.ഇ.ഒ. മാര്‍ക്ക് ലാപ് ടോപ്പ് വിതരണവും ബ്ലോക്ക് പഞ്ചായത്തിന്റെ പരിധിയിലുള്ള എട്ട് പഞ്ചായത്തുകളില്‍ നിന്നും തിരഞ്ഞെടുക്കപ്പെട്ട ഗുണഭോക്താക്കള്‍ക്ക് സൗജന്യമായുള്ള മുചക്രവാഹനം വിതരണവും നടത്തി. ബ്ലോക്ക് പഞ്ചായത്ത് പ്രസിഡന്റ് ആര്‍. ശ്രീകല അധ്യക്ഷത വഹിച്ചു. മുന്‍ പ്രസിഡന്റുമാരായ ബിന്ദു സെബാസ്റ്റ്യന്‍, ഓമന ഗോപാലന്‍, ബ്ലോക്ക് പഞ്ചായത്ത് സെക്രട്ടറി സക്കീര്‍ ഹുസൈന്‍ ഇബ്രാഹിം, അസിസ്റ്റന്റ് എക്‌സിക്യൂട്ടീവ് എന്‍ജിനീയര്‍ ബേസില്‍ മാത്യൂ, അസിസ്റ്റന്റ് എന്‍ജിനീയര്‍ ജയപ്രകാശ്, എ.ഡി.എ. അശ്വതി വിജയന്‍, സി.ഡി.പി.ഒ. ജാസ്മീന്‍, ഇന്‍ഡസ്ട്രിയല്‍ എക്സ്റ്റന്‍ഷന്‍ ഓഫീസര്‍ എ.വി. നിഷാമോള്‍, ഡയറി എക്സ്റ്റന്‍ഷന്‍ ഓഫീസര്‍ അനു കുമാരന്‍, എക്‌സറ്റന്‍ഷന്‍ ഓഫീസര്‍ പി. ആന്‍ഡ് എം. യു.ജെ. ജാന്‍സിമോള്‍, അസിസ്റ്റന്റ് പ്ലാന്‍ കോര്‍ഡിനേറ്റര്‍ റോസ്മി ജോസ്, ഹെഡ് അക്കൌണ്ടന്റ് വി.എ. ബിബിമോള്‍, പ്ലാന്‍ ക്ലാര്‍ക്ക് സില്‍ജോ പി. ജോസ് എന്നിവരെ യോഗത്തില്‍ ആദരിച്ചു. വൈസ് പ്രസിഡന്റ് കുര്യന്‍ തോമസ്, മേഴ്‌സി മാത്യു, ബിന്ദു സെബാസ്റ്റ്യന്‍, മറിയാമ്മ ഫെര്‍ണ്ണാണ്ടസ്, കെ.കെ. കുഞ്ഞുമോന്‍, ജോസഫ് ജോര്‍ജ്, ജെറ്റോ ജോസ് തുടങ്ങിയവര്‍ പ്രസംഗിച്ചു.
