സിനിമ വര്‍ത്തമാനം / പ്രതീഷ് ശേഖര്‍
കൊച്ചി: സിനിമാ പ്രേക്ഷകര്‍ ഏറെ ആകാംഷയോടെ കാത്തിരിക്കുന്ന പാന്‍ ഇന്ത്യന്‍ സൂപ്പര്‍ സ്റ്റാര്‍ ദുല്‍ഖര്‍ സല്‍മാന്റെ ഓണം റിലീസ് ചിത്രമാണ് കിംഗ് ഓഫ് കൊത്ത. അഭിലാഷ് ജോഷി സംവിധാനം ചെയ്യുന്ന ചിത്രത്തിന്റെ ഓരോ അപ്‌ഡേറ്റും സോഷ്യല്‍ മീഡിയയില്‍ ട്രന്‍ഡിങ് ആണ്. ഇപ്പോഴിതാ ചിത്രത്തിന്റെ ആവേശകരമായ വിശദാശംസകള്‍ പങ്കു വച്ചിരിക്കുകയാണ് നടന്മാരായ ഷമ്മി തിലകനും ഗോകുല്‍ സുരേഷും.
ചിത്രത്തിലെ ദുല്‍ഖറിന്റെ കഥാപാത്രത്തിന്റെ അച്ഛന്‍ കൊത്ത രവി എന്ന കഥാപാത്രത്തെയാണ് താന്‍ അവതരിപ്പിക്കുന്നതെന്ന് ഷമ്മി തിലകന്‍ വെളിപ്പെടുത്തി. അദ്ദേഹത്തിന്റെ ഭാഗങ്ങള്‍ പ്രധാനമായും ചിത്രീകരിച്ചത് രാമേശ്വരം, കാരക്കുടി എന്നിവിടങ്ങളിലെ മനോഹരമായ സ്ഥലങ്ങളിലാണ്. പ്രേക്ഷകരെ സസ്‌പെന്‍സില്‍ നിര്‍ത്തിക്കൊണ്ട്, ആഖ്യാനം വിവിധ കാലഘട്ടങ്ങളില്‍ വ്യാപിക്കുന്നുവെന്ന് ഷമ്മി തിലകന്‍ വെളിപ്പെടുത്തുന്നു, കൂടാതെ അദ്ദേഹം രണ്ട് വ്യത്യസ്ത ഭാവങ്ങളില്‍ സിനിമയിലെത്തുന്നുണ്ട് എന്നാണ് അദ്ദേഹം വ്യക്തമാക്കിയത്. എന്നിരുന്നാലും, സര്‍െ്രെപസ് എന്ന ഘടകം നിലനിര്‍ത്തുന്നതിനായി ചിത്രത്തിന്റെ പ്രമേയത്തെക്കുറിച്ചുള്ള കൂടുതല്‍ വിശദാംശങ്ങള്‍ ഇപ്പോള്‍ വെളിപ്പെടുത്താനാകില്ലയെന്നും അദ്ദേഹം പറഞ്ഞു. സംവിധായകന്‍ ജോഷിയുമായുള്ള ചിത്രങ്ങളില്‍ സാധാരണഗതിയില്‍ തന്റെ കഥാപാത്രങ്ങളെ കുറിച്ച് ഇടനിലക്കാര്‍ വഴി അറിയിക്കാറുണ്ടെങ്കിലും ജോഷി തന്നെ നേരിട്ട് ‘പ്രജ’, ‘പാപ്പന്‍’ എന്നിവയ്ക്കായി സമീപിച്ചിരുന്നു. ‘പാപ്പനെ’ കുറിച്ച് ചര്‍ച്ച ചെയ്യാന്‍ ജോഷി വിളിച്ചപ്പോള്‍, അഭിലാഷിന്റെ സിനിമയെക്കുറിച്ചും അദ്ദേഹത്തിന്റെ പ്രധാന കഥാപാത്രത്തെക്കുറിച്ചും അറിയിച്ചതായി ഷമ്മി തിലകന്‍ പറഞ്ഞു. കഥയും തിരക്കഥയും കേട്ടു കഴിഞ്ഞപ്പോള്‍ കിംഗ് ഓഫ് കൊത്തയോടൊപ്പമുള്ള ആവേശം വര്‍ദ്ധിപ്പിച്ചു. അഭിലാഷ് ജോഷിയുടെ മേക്കിങ് രീതി വേറെ ലെവല്‍ ആണെന്നും ജോഷി സാറുമായി താരതമ്യം അനാവശ്യമാണെന്നും അദ്ദേഹം അഭിപ്രായപ്പെട്ടു.
കിംഗ് ഓഫ് കൊത്തയില്‍ അഭിനയിക്കുന്ന ഗോകുല്‍ സുരേഷ് സിനിമയെക്കുറിച്ച് പങ്കുവച്ച അപ്‌ഡേറ്റ് ഇപ്രകാരം ആണ്. ദുല്‍ഖര്‍ ഇതുവരെ ചെയ്തിട്ടുള്ള സിനിമകള്‍ വച്ച് നോക്കുകയാണെങ്കില്‍ അത്രയേറെ വ്യത്യസ്ഥമായ കാരക്ടര്‍ അപ്രോച്ച് ഉള്ള ഒന്നാണ് കിംഗ് ഓഫ് കൊത്ത.വളരെ റിസ്‌ക് എടുത്തു ദുല്‍ഖര്‍ ചെയ്ത ചിത്രമാണിത്. ഫിനാന്‍ഷ്യലി ആയാലും , മറിച്ച് ഒരു ആക്ടേഴ്‌സ് അപ്പ്രോച്ച് ടു സിനിമ എന്ന രീതിയില്‍ നോക്കുകയാണെങ്കില്‍ ദുല്‍ഖര്‍ നല്ല ആത്മവിശ്വാസത്തോടെ തന്നെ ആ ഒരു റിസ്‌ക് ഏറ്റെടുത്തു എന്നാണ് തോന്നിയിട്ടുള്ളത് എന്നാണ് ഗോകുല്‍ സിനിമയെക്കുറിച്ച് പങ്കുവച്ച കാര്യങ്ങള്‍.
വന്‍ താരനിരയും പ്രേക്ഷകരെ ത്രസിപ്പിക്കുന്ന രംഗങ്ങളും ഇഴചേരുന്ന മാസ്സ് ചിത്രം ഹൈ ബഡ്ജറ്റില്‍ സീ സ്റ്റുഡിയോസും ദുല്‍ഖര്‍ സല്‍മാന്റെ വേഫേറെര്‍ ഫിലിംസും ചേര്‍ന്നാണ് നിര്‍മ്മിക്കുന്നത്. ഓണക്കാലത്ത് തിയേറ്ററില്‍ തീപാറിക്കുമെന്നുറപ്പ് നല്‍കിയാണ് കിംഗ് ഓഫ് കൊത്തയുടെ ഓരോ അപ്‌ഡേറ്റും പുറത്തുവരുന്നത്.
