പാലക്കാട്: ലൈംഗീകാതിക്രമത്തിന് ഇരയാക്കിയെന്ന വിദ്യാര്‍ത്ഥിനികളുടെ പരാതിയില്‍ പാരലല്‍ കോളെജ് ഉടമ അറസ്റ്റില്‍. പോക്‌സോ കേസിലാണ് പാരലല്‍ കോളേജ് ഉടമയും ആനക്കര പോട്ടൂര്‍ സ്വദേശിയുമായ അലിയെ പൊലീസ് കസ്റ്റഡിയിലെടുത്തത്.
അലി കുമരനല്ലൂരിലെ പാരലല്‍ കോളേജ് ഉടമയാണ്. ഇവിടെ പഠനത്തിനെത്തുന്ന രണ്ടു വിദ്യാര്‍ത്ഥിനികള്‍ നല്‍കിയ വ്യത്യസ്ത പരാതികളിലാണ് അലിയെ അറസ്റ്റു ചെയ്തത്. അലിയില്‍ നിന്നും ലൈംഗീകാതിക്രമം നേരിട്ട കുട്ടികള്‍ വാര്‍ഡ് കൗണ്‍സിലറെ വിവരം അറിയിക്കുകയായിരുന്നു. തുടര്‍ന്ന് പൊലീസില്‍ പരാതിയും നല്‍കി.
