ബസ്സിറങ്ങി മുന്നോട്ട് നടക്കുന്നതിനിടെ അതേ ബസ് ഇടിച്ച് വയോധികക്ക് ദാരുണാന്ത്യം

കോട്ടയം: ബസിൽ നിന്നും ഇറങ്ങി മുന്നോട്ട് നടക്കുന്നതിനിടെ അതേ ബസ് ഇടിച്ച് വയോധികക്ക് ദാരുണാന്ത്യം. ചിങ്ങവനം റെയിൽവേ മേൽപാലത്തില്‍ ബസ് ഇറങ്ങിയ നെല്ലിക്കൽ സ്വദേശിയായ അന്നമ്മ കുര്യാക്കോസ് (75) ആണ് മരിച്ചത്.

ഇന്ന് രാവിലെ 8.15നായിരുന്നു സംഭവം. ബസ് ഇടിച്ചതിനെ തുടർന്ന് റോഡിൽ വീണ അന്നമ്മയുടെ ശരീരത്തിൽ കൂടി ടയർ കയറി ഇറങ്ങി. നെല്ലിക്കലിൽ നിന്നും ബസിൽ കയറിയ അന്നമ്മ ചിങ്ങവനം പള്ളിയിൽ കുർബാനക്ക് എത്തിയതായിരുന്നു.