കണ്ണൂര്‍: തടി കുറയ്ക്കാന്‍ യൂട്യൂബ് നോക്കി ഭക്ഷണക്രമീകരണം നടത്തിയതിനെ തുടര്‍ന്ന് ആരോഗ്യപ്രശ്‌നങ്ങൾ ഉടലെടുത്ത് ചികിത്സയിലായിരുന്ന കൌമാരക്കാരി മരണത്തിന് കീഴടങ്ങി. ഭക്ഷണ ക്രമീകരണം തുടങ്ങിയതോടെ ആരോഗ്യപ്രശ്‌നങ്ങള്‍ ഉടലെടുത്തിരുന്നു. തുടര്‍ന്ന് ചികിത്സ തേടിയ മെരുവമ്പായി ഹെല്‍ത്ത് സെന്ററിന് സമീപം കൈതേരികണ്ടി വീട്ടില്‍ എം ശ്രീനന്ദ (18) ആണ് മരിച്ചത്.
ശ്രീനന്ദ തലശ്ശേരി സഹകരണ ആശുപത്രിയില്‍ അത്യാഹിത വിഭാഗത്തില്‍ ചികിത്സയിലായിരുന്നു. കോഴിക്കോട് മെഡിക്കല്‍ കോളേജിലും ചികിത്സ തേടിയിരുന്നു.
ശ്രീനന്ദ വണ്ണം കൂടുതലാണെന്ന ധാരണയില്‍ കുറച്ചുനാളായി ഭക്ഷണത്തിന്റെ അളവ് കുറച്ചതാണ് പ്രശ്‌നമായതെന്നാണ് വിവരം. മട്ടന്നൂര്‍ പഴശ്ശിരാജാ എന്‍എസ്സ്എസ്സ് കോളജ് ഒന്നാം വര്‍ഷ ബിരുദ വിദ്യാര്‍ത്ഥിനിയായിരുന്നു ശ്രീനന്ദ.
