കോട്ടക്കൽ: ലഹരിക്ക് അടിമപ്പെട്ടവരെ രോഗികളായി കണ്ടു കൊണ്ട്, അവർക്ക് മാനസികവും ശാരീരികവുമായ ശാസ്ത്രീയ ചികിത്സ ലഭ്യമാകുമ്പോൾ മാത്രമേ ലഹരിവിരുദ്ധ പ്രവർത്തനങ്ങൾ ഫലപ്രദമാകുകയുള്ളൂവെന്ന് കോട്ടക്കലിൽ നടന്ന ഐ എം ബി സംസ്ഥാന പ്രോജക്ട് ലോഞ്ചിംഗ് സമ്മിറ്റ് അഭിപ്രായപ്പെട്ടു. മദ്യപാനാസക്തിയെ ലളിതവൽക്കരിച്ചു കൊണ്ടുള്ള ‘ലഹരി വിരുദ്ധ’ പ്രവർത്തനങ്ങൾ അപഹാസ്യമാണെന്നും, മദ്യത്തിൻറെ ഉത്പാദനവും വിപണനവും വർധിപ്പിച്ചു കൊണ്ടുള്ള സർക്കാർ നടപടി പിൻവലിക്കണമെന്നും ഐ എം ബി ആവശ്യപ്പെട്ടു.
ഐ എം ബി സംസ്ഥാന തല സമഗ്ര ഡീ-അഡിക്ഷൻ പദ്ധതിയുടെ ഉദ്ഘാടനം കെ എൻ എം സംസ്ഥാന പ്രസിഡണ്ട് ടി പി അബ്ദുല്ലക്കോയ മദനി നിർവഹിച്ചു. ഡോ ഹുസൈൻ മടവൂർ മുഖ്യാതിഥിയായി. ഐ എം ബി സംസ്ഥാന പ്രസിഡണ്ട് ഡോ പി എ കബീർ അധ്യക്ഷനായി. കെ എൻ എം സംസ്ഥാന സെക്രട്ടറി ഡോ സുൽഫിക്കർ അലി ഡി അഡിക്ഷൻ പ്രോജക്റ്റ് അവതരിപ്പിച്ചു.
എ പി അബ്ദുൽ സമദ്, ഡോ എ ഐ അബ്ദുൽമജീദ് സ്വലാഹി, ഡോ നൗഫൽ ബഷീർ, ശരീഫ് മേലേതിൽ, സുഹ്ഫി ഇമ്രാൻ, സിറാജ് ചെലംബ്റ, ഡോ എൻ സി അഫ്സൽ, ഡോ സി മുഹമ്മദ് പ്രസംഗിച്ചു.കെ എൻ എം ജില്ലാ പ്രസിഡൻറ് ഷറഫുദ്ദീൻ തെയ്യമ്പാട്ടിൽ, കുഞ്ഞിപ്പ മാസ്റ്റർ, ഡോ ഹമീദ് ഇബ്രാഹിം, ഡോ ഹംസ തയ്യിൽ, ഡോ ഉമ്മർ, ഡോ മുഹ്സിൻ, ഡോ നസറുദ്ദീൻ,ഡോ അഹമ്മദ് കുട്ടി, ഹാഷിം ഹാജി ഡോ അബ്ദു റഹിമാൻ, അഫ്സൽ മടവൂർ, അൻവർ പരപ്പനങ്ങാടി, ഡോ പി പി മുഹമ്മദ്, ഹംസത്ത് ഏ, ബപ്പന് കുട്ടി നേതൃത്വം നൽകി
ലഹരിക്കെതിരെയുള്ള ബോധവൽക്കരണം, ഗ്രൂപ്പ് -വ്യക്തി കേന്ദ്രീകൃത സൗജന്യ കൗൺസലിംഗ് സേവനം കേരളത്തിലെ ഐ എം ബി ബ്രാഞ്ചുകൾ കേന്ദ്രീകരിച്ചുകൊണ്ട് പ്രഥമഘട്ടത്തിൽ നൽകും. ചികിത്സ ആവശ്യമുള്ളവർക്ക് സൈക്യാട്രിസ്റ്റുകളുടെ സേവനം ഉറപ്പുവരുത്തും. കിടത്തി ചികിത്സയിലൂടെ പൂർണമായി രോഗവിമുക്തി ആവശ്യമുള്ളവർക്ക് ആശുപത്രി കേന്ദ്രീകരിച്ചുകൊണ്ട് ഡീ ടോക്സ് ചികിത്സ നൽകും.1987 കെ എൻ എം ആരോഗ്യവിഭാഗം ആയി പ്രവർത്തനമാരംഭിച്ച ഇന്റഗ്രേറ്റ്ഡ് മെഡിക്കൽ ബ്രദർഹുഡ് (ഐ എം ബി), പെയിൻ ആൻഡ് പാലിയേറ്റീവ് കെയർ സെൻററുകൾ, ഡയാലിസിസ് സെൻററുകൾ, സൗജന്യ ക്ലിനിക്കുകൾ, ഫ്രീ ഡ്രഗ് ബാങ്കുകൾ, കൗൺസിലിംഗ് സെൻററുകൾ എന്നിവ കേരളത്തിലെ വിവിധ ബ്രാഞ്ചുകളിൽ നടത്തിവരുന്നുണ്ട്.
