പൂനൂര്‍: പൂനൂര്‍ അസോസിയേഷന്‍ ഫോര്‍ സോഷ്യല്‍ സര്‍വിസ് (പാസ് ഖത്തര്‍) പൂനൂര്‍ പെയ്ന്‍ ആന്റ് പാലിയേറ്റീവ് സൊസൈറ്റിക്ക് നല്‍കുന്ന ആംബുലന്‍സ് സമര്‍പ്പണവും ഫാമിലി മീറ്റും ജൂലൈ 21ന് (വെള്ളി) വൈകിട്ട് നാലു മണിക്ക് പൂനൂര്‍ വ്യാപാര ഭവനില്‍ നടക്കുമെന്ന് പാസ് ഖത്തര്‍ ഭാരവാഹികള്‍ അറിയിച്ചു. ഖത്തറില്‍ പ്രവാസം ആരംഭിച്ച പൂനൂര്‍ സ്വദേശികളുടെ സൗഹാര്‍ദ്ദ കൂട്ടായ്മയായ പാസ് ഖത്തര്‍ 15ാം വാര്‍ഷികത്തോടനുബന്ധിച്ചു നടക്കുന്ന സംഗമത്തില്‍ സാമൂഹ്യ സാംസ്‌കാരിക രാഷ്ട്രീയ രംഗത്തെ പ്രമുഖര്‍ സംബന്ധിക്കും.
മുന്‍കാല പാസ് പ്രവര്‍ത്തകര്‍ക്ക് ആദരം, വിവിധ മേഖലകളില്‍ ഉന്നത വിജയം കരസ്ഥമാക്കിയ പാസ് പ്രവര്‍ത്തകരുടെ കുട്ടികള്‍ക്ക് അനുമോദനം തുടങ്ങിയവയും ചടങ്ങില്‍ നടക്കും. നാട്ടില്‍ ഉള്ള മുഴുവന്‍ പാസ് ഖത്തര്‍ പ്രവര്‍ത്തകരും മുന്‍കാല പാസ് ഖത്തര്‍ പ്രവര്‍ത്തകരും അനുഭാവികളും പങ്കെടുക്കണമെന്ന് ഭാരവാഹികള്‍ അറിയിച്ചു. കൂടുതല്‍ വിവരങ്ങള്‍ക്ക് 9567637704, 7909201000 എന്നീ നമ്പറുകളില്‍ ബന്ധപ്പെടാം.
