കൊണ്ടോട്ടി: മഹാകവി മോയിന്‍കുട്ടി വൈദ്യര്‍ മാപ്പിളകലാ അക്കാദമിയുടെ ഒരു വര്‍ഷം നീണ്ടുനില്‍ക്കുന്ന ദശവാര്‍ഷികാഘോഷ പരിപാടികളുടെ ഉദ്ഘാടനം കവി സച്ചിദാനന്ദന്‍ നിര്‍വ്വഹിക്കും. ആഗസ്റ്റ് ഒന്നിന് മലപ്പുറം ഗവണ്‍മെന്റ് കോളേജ് ഓഡിറ്റോറിയത്തില്‍ നടക്കുന്ന ഉദ്ഘാടനത്തോടനുബന്ധിച്ച് കേരള സാഹിത്യ അക്കാദമിയുടെ ആഭിമുഖ്യത്തില്‍ അറബി മലയാളവും മലയാള സാഹിത്യവും എന്ന സെമിനാര്‍, രചന ചര്‍ച്ച എന്നീ പരിപാടികള്‍ സംഘടിപ്പിക്കും. പ്രമുഖ എഴുത്തുകാരും പ്രഭാഷകരും പങ്കെടുക്കും.
