ആലപ്പുഴ: വിശ്വമാനവികതയ്ക്ക് വേദവെളിച്ചം എന്ന സന്ദേശവുമായി ജനുവരി 25, 26, 27, 28 തിയ്യതികളില്‍ മലപ്പുറം ജില്ലയിലെ കരിപ്പൂരില്‍ നടക്കുന്ന പത്താമത് മുജാഹിദ് സംസ്ഥാന സമ്മേളനത്തിന്റെ വിജയത്തിനും സംഘടനാ ഘടകങ്ങളെ സജ്ജമാക്കുന്നതിനും സമ്മേളനത്തിനു മുമ്പുള്ള കര്‍മ്മ പദ്ധതികള്‍ തയ്യാറാക്കുന്നതിനുമായി ‘സംഘടിപ്പിച്ച ഒരുക്കം പ്രീകോണ്‍ ‘ സൗത്ത് സോണ്‍ പ്രീ കോണ്‍ മീറ്റ് എച്ച് സലാം എം എല്‍ ഉദ്ഘാടനം ചെയ്തു.
കെ ജെ യൂ സംസ്ഥാന ട്രഷറര്‍ സി എം മൗലവി വിശിഷ്ട അഥിതി ആയിരുന്നു. കെ എന്‍ എം മര്‍ക്കസുദ്ദഅവ സൗത്ത് സോണ്‍ പ്രസിഡന്റ് അധ്യക്ഷത വഹിച്ചു. കെ എന്‍ എം മര്‍കസുദ്ദഅ്‌വ സംസ്ഥാന ട്രഷറര്‍ അഹ്മദ്കുട്ടി മദനി മുഖ്യപ്രഭാഷണംവും സംസ്ഥാന ഓര്‍ഗനൈസിംഗ് സെക്രട്ടറി എന്‍ എം അബ്ദുല്‍ ജലീല്‍, സംസ്ഥാന ഭാരവാഹികളായ ഡോ. മുസ്തഫ സുല്ലമി കൊച്ചി, അബ്ദുല്‍ റഷീദ് ഉഗ്രപുരം, എം ജി എം സൗത്ത് സോണ്‍ സെക്രട്ടറി നെക്‌സി സുനീര്‍, ഐ എസ് എം സംസ്ഥാന സെക്രട്ടറി അയ്യൂബ് എടവനക്കാട്, സുബൈര്‍ അരൂര്‍, സുഹൈല്‍ സാബിര്‍ എന്നിവര്‍ പ്രസംഗിച്ചു. സൗത്ത് സോണ്‍ സെക്രട്ടറി സലീം കരുനാഗപ്പള്ളി സ്വാഗതവും സൗത്ത് സോണ്‍ ട്രഷര്‍ എ പി നൗഷാദ് നന്ദി രേഖപ്പെടുത്തി.
