ആലപ്പുഴ: പതിനേഴുകാരിയെ പ്രലോഭിപ്പിച്ച് കടത്തിക്കൊണ്ട് പോയി നിര്‍ബന്ധിച്ച് മദ്യം കുടിപ്പിച്ച കേസില്‍ രണ്ടുപേരെ പൊലീസ് അറസ്റ്റ് ചെയ്തു. ഓച്ചിറ രാധാഭവനത്തില്‍ രാഹുല്‍ (28), തഴവ കാഞ്ഞിരത്തിനാല്‍ വീട്ടില്‍ രാജേഷ് (39) എന്നിവരെയാണ് കായംകുളം പൊലീസ് പിടികൂടിയത്.
ഒച്ചിറ സ്വദേശിനിയായ പെണ്‍കുട്ടിയെ വൈഫൈ കണക്ഷന്‍ എടുത്തുനല്‍കാമെന്ന് പറഞ്ഞ് പ്രലോഭിപ്പിച്ച് ഇവര്‍ കാറില്‍ കയറ്റി കായംകുളം ബോട്ട് ജെട്ടിക്ക് സമീപത്തേക്ക് കൊണ്ടുപോകുകയായിരുന്നു. ഇവിടെ ആളൊഴിഞ്ഞ് സ്ഥലത്തുനിന്നും ഇവര്‍ പെണ്‍കുട്ടിയെ നിര്‍ബന്ധിപ്പിച്ച് മദ്യം കഴിപ്പിച്ചു. തുടര്‍ന്ന് പെണ്‍കുട്ടി നല്‍കിയ പരാതിയിലാണ് പ്രതികളെ അറസ്റ്റ് ചെയ്തത്.
