തിരുവനന്തപുരം: ഭാര്യയും മകനും മോഷണ കേസില്‍ അകത്തായതിന് പിന്നാലെ മധ്യവയസ്‌കനും മറ്റൊരു മോഷണ കേസില്‍ പൊലീസിന്റെ പിടിയിലായി. തിരുവനന്തപുരം കരിങ്കുളം പുതിയതുറ പുല്ലുവിള പുരയിടത്തില്‍ ജോസ് (53) ആണ് പൊലീസിന്റെ വലയിലായത്. നിരവധി മോഷണങ്ങള്‍ നടത്തിയ കേസില്‍ പിടിയിലായ ഇയാളുടെ ഭാര്യയും മകനും നേരത്തെ പൊലീസിന്റെ പിടിയിലായിരുന്നു.
ജോസ് കണ്ണാന്തറ ജി വി രാജ സ്ട്രീറ്റ് സ്വദേശി കൃഷ്ണമൂര്‍ത്തിയുടെ വീട്ടില്‍ നടത്തിയ മോഷണത്തിലാണ് പൊലീസിന്റെ പിടിയിലായത്. ഇവിടെ നിന്നും ആറുപവന്‍ സ്വര്‍ണവും രണ്ടായിരം രൂപയുമാണ് മോഷ്ടിച്ചിരുന്നത്. നേരത്തെയും നിരവധി മോഷണക്കേസുകളില്‍ ജോസ് പ്രതിചേര്‍ക്കപ്പെട്ടിട്ടുണ്ട്.
