ആയഞ്ചേരി: ചിങ്ങപ്പുലരിയായ കര്‍ഷക ദിനത്തില്‍ ആയഞ്ചേരി ഗ്രാമ പഞ്ചായത്തിലെ മംഗലാട് 13ാം വാര്‍ഡില്‍ തൊഴിലുറപ്പ് പദ്ധതി പ്രകാരം പ്രത്യേകം തയ്യാറാക്കിയ സ്ഥലത്ത് വാര്‍ഡ് മെമ്പര്‍ എ സുരേന്ദ്രന്റെ അധ്യക്ഷതയില്‍ പറമ്പില്‍ ഗവണ്‍മെന്റ് യു പി സ്‌ക്കൂള്‍ വിദ്യാര്‍ത്ഥികള്‍ വിത്ത് വിതച്ച് ഉദ്ഘാടനം ചെയ്തു.
വിദ്യാര്‍ത്ഥികള്‍ക്ക് കാര്‍ഷിക മേഖലയെ പരിചയപ്പെടുത്താനും അന്യസംസ്ഥാനങ്ങളില്‍ നിന്ന് വരുന്ന വിഷ പച്ചക്കറി ഒഴിവാക്കേണ്ടതിന്റെ ആവശ്യകതയും കുട്ടികളില്‍ എത്തിക്കുന്നതിന് വേണ്ടിയാണ് വിദ്യാര്‍ത്ഥികളെ ചടങ്ങില്‍ ക്ഷണിച്ചതെന്ന് മെമ്പര്‍ പറഞ്ഞു. ചടങ്ങില്‍ ഹെഡ് മാസ്റ്റര്‍ ആക്കായി നാസര്‍ മാസ്റ്റര്‍, രമ്യ ടീച്ചര്‍, പ്രജിത്ത് ടി പി, റഹിം ചെറു മാടത്തില്‍ തുടങ്ങിയവര്‍ സംബന്ധിച്ചു.
