ദുബൈ: ആന്ധ്രാ സ്വദേശിനി ദുബൈയില് റോഡില് കുഴഞ്ഞുവീണ് മരിച്ചു. മലയാളി ഉടമസ്ഥതയിലുള്ള മാഫ് ഫയര് മിഡിലീസ്റ്റ് എന്ന സ്ഥാപനത്തില് ജോലി ചെയ്തിരുന്ന നേഹ പത്മയാണ് (42) മരിച്ചത്. ബര്ദുബൈയില് ഷോപ്പിങിന് എത്തിയതായിരുന്നു. റോഡില് ദേഹ്വാസ്വാസ്ഥ്യം അനുഭവപ്പെട്ട് വീഴുകയായിരുന്നു. തൊട്ടുമുമ്പ് ഇവര് ഭര്ത്താവിനെ ഫോണില് വിളിച്ചിരുന്നു. സംസാരം മുഴുവനാക്കാനായില്ല. വീഴുന്നത് കണ്ട് ഓടിക്കൂടിയവരാണ് ഫോണില് തുടര്ന്നിരുന്ന ഭര്ത്താവിനെ വിവരമറിയിച്ചത്. റാശിദ് ആശുപത്രിയിലേക്ക് കൊണ്ടുപോയെങ്കിലും എത്തുന്നതിന് മുമ്പേ മരണം സംഭവിച്ചിരുന്നുവെന്ന് സഹപ്രവര്ത്തകര് പറഞ്ഞു.
പത്തുവര്ഷത്തിലധികമായി മാഫ് ഫയറില് ജോലി ചെയ്യുന്ന നേഹയ്ക്ക് നന്നായി മലയാളം സംസാരിക്കാനറിയാം. നിരവധി മലയാളികള് സുഹൃത്തുക്കളായുണ്ട്. ഷാര്ജയിലാണ് കുടുംബത്തോടൊപ്പം താമസിച്ചിരുന്നത്. ഭര്ത്താവ് പുതി സൂര്യ കാര്ട്ട്ലിയന് ടവര് ഹോട്ടലിലെ സൂപ്പര്വൈസറാണ്. മകന് പുതി ആദിത്യ അമേരിക്കയിലും മകള് മഹിത ഇന്ത്യയിലും വിദ്യാര്ഥികളാണ്. റാശിദ് ആശുപത്രി മോര്ച്ചറിയില് സൂക്ഷിച്ചിരിക്കുന്ന മൃതദേഹം നടപടികള് പൂര്ത്തിയാക്കി നാട്ടിലേക്ക് കൊണ്ടുപോകും.