കോഴിക്കോട്: സ്‌കൂട്ടറില്‍ ബസ്സിടിച്ച് ദമ്പതികള്‍ മരിച്ചു. കക്കോടി കുഴക്കുമിറി ഷൈജു കെ പി (ഗോപി 43), ഭാര്യ ജീമ (38) എന്നിവര്‍ക്കാണ് ദാരുണാന്ത്യം സംഭവിച്ചത്. വേങ്ങേരിക്കും മലാപ്പറമ്പിനും ഇടയില്‍ ദേശീയ പാത ബൈപാസിലായിരുന്നു അപകടം. ഷൈജുവിന് ചികിത്സാവശ്യാര്‍ഥം ആശുപത്രിലേക്ക് പുറപ്പെട്ടതായിരുന്നു ദമ്പതികള്‍. സംഭവസ്ഥലത്ത് വെച്ച് തന്നെ ഇരുവരും മരിച്ചു. കോഴിക്കോട് ഡി ഡി ഓഫീസിലെ പ്യൂണാണ് ഷൈജു. ഇവര്‍ക്ക് രണ്ട് കുട്ടികളുണ്ട്.
മുന്‍പിലുണ്ടായിരുന്ന സ്വകാര്യ ബസ് ബ്രേക്കിട്ടപ്പോള്‍ സ്‌കൂട്ടര്‍ യാത്രക്കാരും ബ്രേക്ക് ഇട്ടു. എന്നാല്‍ ഇവര്‍ക്ക് പിന്നിലുണ്ടായിരുന്ന ബസ് സ്‌കൂട്ടറിനെയും മറ്റൊരു ബൈക്കിനെയും ഇടിക്കുകയായിരുന്നു. രണ്ട് ബസിനും ഇടയില്‍ ഞെരിഞ്ഞ് അമര്‍ന്ന ദമ്പതിമാരെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാന്‍ സാധിച്ചില്ല.
