കല്പറ്റ: സുല്‍ത്താന്‍ ബത്തേരി ഗവ. സര്‍വജന വൊക്കേഷണല്‍ ഹയര്‍ സെക്കന്‍ഡറി സ്‌കൂളില്‍ 27 മുതല്‍ 30 വരെ നടക്കുന്ന 42ാമത് ജില്ല സ്‌കൂള്‍ കലോത്സവത്തിന്റെ ലോഗോ പ്രകാശനം ചെയ്തു. ജില്ലാ കളക്ടറുടെ ചേമ്പറില്‍ നടന്ന ചടങ്ങില്‍ കളക്ടര്‍ ഡോ. രേണുരാജ് വയനാട് ജില്ലാ പഞ്ചായത്ത് പ്രസിഡന്റ് സംഷാദ് മരക്കാര്‍, സുല്‍ത്താന്‍ ബത്തേരി മുനിസിപ്പല്‍ ചെയര്‍മാന്‍ ടി.കെ. രമേശ്, സുല്‍ത്താന്‍ ബത്തേരി നഗരസഭ വിദ്യാഭ്യാസ സ്ഥിരം സമിതി അധ്യക്ഷന്‍ ടോം ജോസ്, സ്‌കൂള്‍ പി. ടി.എ പ്രസിഡന്റ് ശ്രീജന്‍ ടി.കെ. എന്നിവര്‍ ചേര്‍ന്നാണ് പ്രകാശന കര്‍മ്മം നിര്‍വഹിച്ചത്. ജില്ല വിദ്യാഭ്യാസ ഉപഡയറക്ടര്‍ (ജനറല്‍ കണ്‍വീനര്‍) ശശീന്ദ്രവ്യാസ് വി.എ., സര്‍വജന സ്‌കൂള്‍ ഹയര്‍ സെക്കന്‍ഡറി പ്രിന്‍സിപ്പാള്‍ (കണ്‍വീനര്‍) പി.എ. അബ്ദുള്‍ നാസര്‍, വി.എച്ച്.എസ്.ഇ പ്രിന്‍സിപ്പാള്‍ അമ്പിളി നാരായണന്‍, ഹെഡ് മിസ്ട്രസ് ജിജി ജേക്കബ്, പബ്ലിസിറ്റി കമ്മിറ്റി കണ്‍വീനര്‍ ശ്രീജിത്ത് വാകേരി, റിസപ്ഷന്‍ കമ്മിറ്റി കണ്‍വീനര്‍ നിസാര്‍ കമ്പ, ജോ. കണ്‍വീനര്‍ റിഷാദ് ഇ. ടി. എന്നിവര്‍ സന്നിഹിതരായിരുന്നു. പത്ത് എന്‍ട്രികള്‍ വന്നതില്‍ വെള്ളമുണ്ട സ്വദേശിയായ ആര്‍ട്ടിസ്റ്റ് നിസാര്‍ അഹമ്മദ് കെ. എം. സി. രൂപകത്പന ചെയ്ത ലോഗോയാണ് തിരഞ്ഞടുക്കപ്പെട്ടത്.
