വളപട്ടണം: ‘വിശ്വമാനവികതയ്ക്ക് വേദവെളിച്ചം’ എന്ന പ്രമേയത്തില്‍ 2024 ജനുവരി 25 മുതല്‍ 28 വരെ കരിപ്പൂരില്‍ നടക്കുന്ന മുജാഹിദ് പത്താമത് സംസ്ഥാന സമ്മേളനത്തിന്റെ മുന്നോടിയായി വളപട്ടണം മണ്ഡലം പ്രചാരണോല്‍ഘാടനം കെ എന്‍ എം മര്‍കസുദ്ദഅവ ജില്ലാ പ്രസിഡന്റ് സി സി ശകീര്‍ ഫാറൂഖി ഉല്‍ഘാടനം ചെയതു. കെ എല്‍ പി ഹാരിസ് അധ്യക്ഷത വഹിച്ചു.
സംസ്ഥാന സെക്രട്ടറി അബ്ദുല്ലത്തീഫ് കരിമ്പുലാക്കല്‍ പ്രമേയാവതരണം നടത്തി. മനുഷ്യരാല്‍ രചിക്കപ്പെട്ട പുസ്തകങ്ങള്‍ പരിമിതമായ ചില വിഷയങ്ങള്‍ മാത്രം പ്രതിപാദിക്കുമ്പോള്‍ ദൈവിക ഗ്രന്ഥമായ വിശുദ്ധ ഖുര്‍ആന്‍ മനുഷ്യ ജീവിതത്തെയും പ്രപഞ്ചത്തെയും കുറിച്ചുള്ള ബഹുമുഖ വിഷയങ്ങള്‍ പ്രതിപാദിക്കുന്ന ഗ്രന്ഥമാണെന്ന് കരിമ്പുലാക്കല്‍ പറഞ്ഞു.
കെ.എന്‍. എം. മര്‍കസുദ്ദഅവ മണ്ഡലം സെക്രട്ടറി ജബ്ബാര്‍ മൗലവി, നൗഷാദ് കൊല്ലറത്തിക്കല്‍ എന്നിവര്‍ പ്രസംഗിച്ചു.
