കൊടുവള്ളി: തനിമ കലാ സാഹിത്യ വേദി കോഴിക്കോട് ജില്ല കമ്മിറ്റി സംഘടിപ്പിക്കുന്ന ഫലസ്തീന്‍ ഐക്യദാര്‍ഢ്യ കലാ സായാഹ്നം നവംബര്‍ 30ന് വ്യാഴാഴ്ച നടക്കും. വൈകിട്ട് നാല് മണിക്ക് കോഴിക്കോട് മൊഫ്യൂസില്‍ ബസ് സ്റ്റാന്‍ഡ് പരിസരത്ത് നടക്കും. കഥാകൃത്തും പത്രപ്രവര്‍ത്തകനുമായ പി.കെ. പാറക്കാവ് ഉദ്ഘാടനം ചെയ്യും.
സലാം കരുവമ്പൊയില്‍ രചനയും സംവാധാനവും നിര്‍വഹിച്ച് ബന്ന ചേന്ദമംഗല്ലൂര്‍ ശബ്ദം നല്‍കിയ അബാബീല്‍ പക്ഷികള്‍ തെരുവുനാടകം, ഗാനാലാപനം, കവിതകളുടെ അവതരണം തുടങ്ങിയ പരിപാടികള്‍ നടക്കും. തുടര്‍ന്ന് പാളയം പഴയ ബസ് സ്റ്റാന്‍ഡ്, ബീച്ച് എന്നിവിടങ്ങളിലും പരിപാടികള്‍ നടക്കും.
യോഗത്തില്‍ പ്രസിഡന്റ്ടി.കെ. അലി പൈങ്ങോട്ടായി അധ്യക്ഷത വഹിച്ചു. ബാബു സല്‍മാന്‍, ശിഹാബുദ്ധീന്‍ ഇബ്‌നു ഹംസ, ബക്കര്‍ വെള്ളിപറമ്പ്, അശ്‌റഫ് വാവാട്, മുസ്തഫ കുറ്റിക്കാട്ടൂര്‍, ബശീര്‍ പൊറ്റശ്ശേരി, ആതിക സംസാരിച്ചു. സെക്രട്ടറി സി.എ. കരീം സ്വാഗതം പറഞ്ഞു.
