ആലപ്പുഴ: വിശ്വമാനവികതയ്ക്ക് വേദ വെളിച്ചം എന്ന പ്രേമേയത്തില്‍ ജനുവരിയില്‍ കരിപ്പൂരില്‍ നടക്കുന്ന മുജാഹിദ് സംസ്ഥാന സമ്മേളനത്തിന്റെ പ്രചാരണ ഭാഗമായി ദൗത്യ പഥം പ്രീകോണ്‍ നടന്നു ആലപ്പുഴ സക്കറിയാ ബസാറില്‍ ഈസ്റ്റ് വെനീസില്‍ ഓഡിറ്റോറിയത്തില്‍ നടന്ന സംഗമം കെ എന്‍ എം മര്‍ക്കസു ദ്ദ അവ സംസ്ഥാന വൈസ് പ്രസിഡന്റ് കുഞ്ഞമ്മദ് മദനി ഉദ്ഘാടനം ചെയ്തു.
ജില്ലാ പ്രസിഡന്റ് പി. നസീര്‍ അധ്യക്ഷത വഹിച്ചു. സയ്യിദ് സുല്ലമി മുഖ്യ പ്രഭാഷണം നിര്‍വഹിച്ചു. ജില്ലാ ആക്ടിംഗ് സെക്രട്ടറി പി. കെ. എം ബഷീര്‍ സ്വാഗതം ആശംസിച്ചു. മുബാറക് അഹമ്മദ്, അബ്ബാസ് മൗലവി ആലപ്പുഴ, അരുര്‍ മണ്ഡലം റിപ്പോര്‍ട്ട് അവതരിപ്പിച്ചു. ഷെമീര്‍ ഫലാഹി, സൗത്ത് സോണ്‍ ട്രഷറര്‍ എ. പി. നൗഷാദ്, ഷെഹീര്‍ ഫാറൂഖി, എം ജി എം ജില്ലാ പ്രസിഡന്റ് Dr. ബേനസീര്‍, ജില്ലാ സെക്രട്ടറി ഷെരീഫ മദനിയ തുടങ്ങിയവര്‍ സംസാരിച്ചു. അദ്‌നാന്‍ മുബാറക്കിന്റെ ഖുര്‍ആന്‍ പാരായണത്തോടെ ആരംഭിച്ച സോണ്‍ പ്രീകോണിന് ആലപ്പുഴ മണ്ഡലം പ്രസിഡന്റ് കലാമുദീന്‍ നന്ദി രേഖപ്പെടുത്തി. സംഘടനാ തല ഡോക്ക്യൂമെന്ററി പ്രദര്‍ശനം സദസ്സിന് കുളിര്‍മയേകി.
