തിരുവനന്തപുരം: അതുല്യ ചലച്ചിത്ര പ്രതിഭ മൃണാള്‍ സെന്നിന് ആദരമായി ചലച്ചിത്ര അക്കാദമി ഒരുക്കുന്ന എക്സിബിഷന് പ്രശസ്ത സംവിധായകന്‍ അടൂര്‍ ഗോപാലകൃഷ്ണന്‍ ഉദ്ഘാടനം ചെയ്യും. ടാഗോര്‍ തിയേറ്റര്‍ പരിസരത്ത് നിര്‍മ്മിച്ച പ്രത്യേക വേദിയില്‍ ശനിയാഴ്ച രാവിലെ 11 നാണ് ഉദ്ഘാടനം.
ഇന്ത്യന്‍ സിനിമയെ ആഗോളതലത്തിലേക്കുയര്‍ത്തിയ ബംഗാളി നവതരംഗ സംവിധായകന്‍ മൃണാള്‍ സെന്നിന്റെ ജന്മശതാബ്ദിയോടനുബന്ധിച്ച് അദ്ദേഹത്തിന്റെ സിനിമാ ജീവിതം അടയാളപ്പെടുത്തുന്ന ചിത്രങ്ങള്‍, സിനിമകളുടെ ചിത്രീകരണ സമയത്തെ അപൂര്‍വ്വ നിമിഷങ്ങള്‍ എന്നിവയെല്ലാം പ്രദര്‍ശനത്തിന്റെ ഭാഗമാകും.
