കൊണ്ടോട്ടി: പോക്കര്‍ മാസ്റ്റര്‍ ഗ്രന്ഥശാലയും കൃഷിവകുപ്പും സംയുക്തമായി സംഘടിപ്പിക്കുന്ന ‘വായനയോടൊപ്പം കൃഷിയും’ എന്ന വിഷയം മുന്‍നിര്‍ത്തി, പുതിയൊരു കാര്‍ഷിക സംസ്‌കാരം വളര്‍ത്തുന്നതിന്റെ ഭാഗമായി കാര്‍ഷിക പഠന ക്ലാസും കൂണ്‍കൃഷി പരിശീലനവും നല്‍കുന്നു. 29ന് വെള്ളിയാഴ്ച്ച മൂന്ന് മണിക്ക് മുസ്ലിയാരങ്ങാടി ലൈബ്രറി ഹാളില്‍ നടക്കുന്ന പരിപാടിയില്‍ നെടിയിരുപ്പ് കൃഷി ഓഫീസര്‍ ഷെമീന കെ പി, ഷനൂപ് വാഴക്കാട് എന്നിവര്‍ ക്ലാസെടുക്കും. താല്പര്യമുള്ളവര്‍ 28നു മുന്‍പ് വായനശാലയുമായി 8714115865, 9447388385, 9605313974 ബന്ധപ്പെടുക. ആവശ്യക്കാര്‍ക്ക് വിത്തുവിതരണവും ഉണ്ടായിരിക്കും.
