പാലാ: മുന്‍ എം എല്‍ എ പി ടി തോമസിന്റെ സ്മരണയ്ക്കായി പി ടി തോമസ് ഫൗണ്ടേഷന്‍ പാലാ ചാപ്റ്റര്‍ ഏര്‍പ്പെടുത്തിയ പി ടി പുരസ്‌കാരത്തിന് മൂവാറ്റുപുഴ എം എല്‍ എ മാത്യു കുഴല്‍നാടന്‍ അര്‍ഹനായി. പൊതുപ്രവര്‍ത്തനത്തില്‍ ആത്മാര്‍ത്ഥതയും വിശ്വാസ്യതയും കാത്തു സൂക്ഷിച്ച് അനീതിക്കെതിരെ ഉറച്ച നിലപാട് സ്വീകരിക്കുന്ന പാര്‍ലെമെന്റേറിയന്‍ന്മാരെ ആദരിക്കുന്നതിനാണ് പി ടി പുരസ്‌കാരം ഏര്‍പ്പെടുത്തിയിരിക്കുന്നത്. ഡോ സിറിയക് തോമസ്, മുതിര്‍ന്ന മാധ്യമ പ്രവര്‍ത്തകരായ പ്രൊഫ മാടവന ബാലകൃഷ്ണപിള്ള, ചെറുകര സണ്ണി ലൂക്കോസ്, ഡിജോ കാപ്പന്‍ എന്നിവരടങ്ങുന്ന സമിതിയാണ് അവാര്‍ഡ് നിര്‍ണ്ണയിച്ചത്. കഴിഞ്ഞ വര്‍ഷത്തെ പുരസ്‌കാരത്തിന് അര്‍ഹനായത് എന്‍ കെ പ്രേമചന്ദ്രന്‍ എം പി ആയിരുന്നു. ജനുവരി 9ന് പാലാ കോ ഓപ്പറേറ്റീവ് എംപ്ലോയിസ് സൊസൈറ്റി ഹാളില്‍ ചേരുന്ന സമ്മേളനത്തില്‍ വച്ച് രമേശ് ചെന്നിത്തലയും പി ടി തോമസിന്റെ പത്‌നി ഉമാ തോമസും ചേര്‍ന്ന് പുരസ്‌കാരം സമ്മാനിക്കും. മാണി സി കാപ്പന്‍ എം എല്‍ എ അധ്യക്ഷത വഹിക്കും.
Tuesday, April 08, 2025
