സിനിമ വര്‍ത്തമാനം / പ്രതീഷ് ശേഖര്‍
പൊങ്കല്‍ റിലീസായി കഴിഞ്ഞ ദിവസം റിലീസായ ധനുഷ് ചിത്രം ക്യാപ്റ്റന്‍ മില്ലറിനെ അഭിനന്ദിച്ച് ഉദയനിധി സ്റ്റാലിനും സംവിധായകന്‍ മാറി സെല്‍വരാജ്ജും സോഷ്യല്‍ മീഡിയയില്‍ രംഗത്തെത്തി. ഉദയനിധി സ്റ്റാലിന്‍ അഭിപ്രായപ്പെട്ടത് ഇപ്രകാരമാണ് ‘ധനുഷ്‌കരാജ, നിമ്മശിവണ്ണ എന്നിവരുടെ അഭിനയ മികവ്, സംവിധായകന്‍ അരുണ്‍മാധേശ്വരന്റെ ദര്‍ശനം, സഹോദരന്‍ ജിവിപ്രകാശിന്റെ സംഗീത വൈഭവം, ഒപ്പം സത്യജോതി ഫിലിംസിന്റെ നിര്‍മ്മാണം, നായിക പ്രിയങ്കാമോഹന്‍, സ്റ്റണ്ട് മാസ്റ്റര്‍ ധിലിപാക്ഷന്‍, തുടങ്ങിയവരുടെ ക്രാഫ്റ്റിംഗിനോട് ഞാന്‍ അഗാധമായ അഭിനന്ദനം അറിയിക്കുന്നു. അസാധാരണമായ ചിത്രമാണ് ‘ക്യാപ്റ്റന്‍ മില്ലര്‍’. സ്വാതന്ത്ര്യസമരത്തിന്റെ പശ്ചാത്തലത്തില്‍ മനുഷ്യാവകാശങ്ങളുടെ വിശാലമായ ആഖ്യാനത്തോടെ സമര്‍ത്ഥമായി നിര്‍മ്മിച്ച ഈ ചിത്രം, ക്ഷേത്രപ്രവേശനത്തിനുള്ള അവകാശത്തിനായുള്ള അടിച്ചമര്‍ത്തപ്പെട്ട ജനതയുടെ പോരാട്ടത്തെ ശക്തമായി ഉയര്‍ത്തിക്കാട്ടുന്നു’. മാരി സെല്‍വരാജ് പറഞ്ഞത് ‘ ധനുഷ് സാറും ജി വി പ്രകാശും കൂടെയുള്ള കില്ലര്‍ മില്ലര്‍ എന്‍ട്രി’ എന്നാണ് ചിത്രത്തിനെ അദ്ദേഹം വിശേഷിപ്പിച്ചത്.
കേരളത്തിലും ചിത്രത്തിന് മികച്ച പ്രേക്ഷക പ്രതികരണങ്ങളും നിരൂപക പ്രശംസകളുമാണ് ലഭിക്കുന്നത്. ചിത്രത്തിന് ആദ്യ ദിനം കേരളത്തില്‍ അറുപതു ലക്ഷത്തില്‍പ്പരം ഗ്രോസ് കളക്ഷന്‍ ലഭിച്ചുവെന്ന് ട്രേഡ് അനലിസ്റ്റുകള്‍ റിപ്പോര്‍ട് ചെയ്തു.
അരുണ്‍ മാതേശ്വരന്‍ സംവിധാനം ചെയ്ത് സത്യജ്യോതി ഫിലിംസ് നിര്‍മ്മിച്ച ഒരു വാര്‍ ആക്ഷന്‍ ചിത്രമാണ് ക്യാപ്റ്റന്‍ മില്ലര്‍. ധനുഷ്, ശിവ രാജ്കുമാര്‍, സന്ദീപ് കിഷന്‍, പ്രിയങ്ക മോഹന്‍, ജോണ്‍ കൊക്കന്‍, നിവേദിത സതീഷ്, എഡ്വേര്‍ഡ് സോണന്‍ബ്ലിക്ക് തുടങ്ങി നിരവധി താരനിരയാണ് ചിത്രത്തില്‍ അണിനിരക്കുന്നത്. സിദ്ധാര്‍ത്ഥ നുനിയുടെ ഛായാഗ്രഹണവും നാഗൂരാന്‍ രാമചന്ദ്രന്‍ എഡിറ്റിംഗും നിര്‍വ്വഹിക്കുന്നു.സെന്തില്‍ ത്യാഗരാജനും അര്‍ജുന്‍ ത്യാഗരാജനും ചേര്‍ന്ന് നിര്‍മ്മിക്കുന്ന ചിത്രം സത്യജ്യോതി ഫിലിംസിന്റെ ബാനറില്‍ ടി ജി ത്യാഗരാജനാണ് അവതരിപ്പിക്കുന്നത്.
