മലപ്പുറം: ഗാര്‍ഹിക പീഡനത്തെ തുടര്‍ന്ന് നാല് കുട്ടികളുടെ മാതാവായ യുവതി ഭര്‍തൃവീട്ടില്‍ ജവനൊടുക്കി. മലപ്പുറം പന്തല്ലൂരിലാണ് സംഭവം. വെള്ളില സ്വദേശി നിസാറിന്റെ ഭാര്യ തഹ്ദില (25)ആണ് മരിച്ചത്. സംഭവത്തില്‍ അസ്വാഭാവിക മരണത്തിന് പൊലീസ് കേസെടുത്തു.
യുവതി ജീവനൊടുക്കിയത് ഗാര്‍ഹിക പീഡനം മൂലമാണെന്ന് ബന്ധുക്കള്‍ ആരോപിച്ചു. ഭര്‍തൃപിതാവ് ശാരീരികമായും മാനസികമായും ഉപദ്രവിച്ചിരുന്നതായും തഹ്ദിലയുടെ ബന്ധുക്കള്‍ ആരോപിക്കുന്നു. അസ്വാഭാവിക മരണത്തിന് കേസെടുത്ത പൊലീസ് അന്വേഷണം തുടങ്ങി. യുവതിക്ക് രണ്ടു വയസുള്ള കുട്ടി ഉള്‍പ്പെടെ നാലു മക്കളാണുള്ളത്. ഭര്‍ത്താവ് നിസാര്‍ വിദേശത്താണ്.
