തലശ്ശേരി: പാറാൽ ലജ്നത്തുൽ ഇർഷാദ് സംഘത്തിൻറെ കീഴിൽ പ്രവർത്തിക്കുന്ന പാറാൽ അൽഫിത്റ ഇസ്ലാമിക് പ്രീ സ്കൂൾ എട്ടാം വാർഷികാഘോഷം നടത്തി. പാറാൽ ദാറുൽ ഇർഷാദ് അറബിക് കോളേജ് മാനേജർ എം പി അഹമ്മദ് ബഷീർ ഉദ്ഘാടനം ചെയ്തു. ലജ്നത്തുൽ ഇർഷാദ് സംഘം ഭരണ സമിതി അംഗം എം കെ താഹിർ അദ്ധ്യക്ഷത വഹിച്ചു. അബ്ദുൽ ജലീൽ മദനി വയനാട് മുഖ്യാതിഥിയായിരുന്നു.
മൂന്ന് വർഷത്തെ പഠന പരിശീലനത്തിലൂടെ ഖുർആൻ പാരായണം പൂർത്തിയാക്കിയ കുഞ്ഞു മക്കൾക്ക് വാർഷികാഘോഷത്തിൽ ആദരവ് നൽകി. വിവിധ മത്സരങ്ങളിൽ വിജയികളായവർക്ക് ഉപഹാരം നൽകി. മാപ്പിളപ്പാട്ട്, സംഘനൃത്തം, ഒപ്പന, കോൽക്കളി, ദഫ് മുട്ട്, അറബിഗാനം, മറ്റു കലാപരിപാടികൾ എന്നിവ അവതരിപ്പിച്ചു.
മാനേജിംഗ് കമ്മിറ്റി സെക്രട്ടറി റമീസ് പാറാൽ, അൽ ഫിത്റ ഇസ്ലാമിക് പ്രീ സ്കൂൾ പ്രിൻസിപ്പൽ എം സുമിയ്യ, മാനേജർ വി പി മുഹമ്മദലി, പാറാൽ മാപ്പിള എൽ പി സ്ക്കൂൾ മാനേജർ വി ടി ഇർഷാദ്, പാറാൽ ഡി ഐ യു പി സ്ക്കൂൾ ഹെഡ്മിസ്ട്രസ് എം പി അമീറ, പാറാൽ മാപ്പിള എൽ പി സ്ക്കൂൾ ഹെഡ്മിസ്ട്രസ് ബേബി ശീതള, വയലളം ജുമാ മസ്ജിദ് കമ്മിറ്റി പ്രസിഡണ്ട് ഷാഹിദ് പരിയാട്ട്, അൽഫിത്റ ഇസ്ലാമിക് പ്രീ സ്കൂൾ ഓഫീസ് സെക്രട്ടറി എ കെ ഷംന എന്നിവർ പ്രസംഗിച്ചു.
