തിക്കുറിശ്ശി ഫൗണ്ടേഷന്റെ ആഭിമുഖ്യത്തില്‍ തിക്കുറിശ്ശി സുകുമാരന്‍ നായര്‍ അനുസ്മരണവും 16-ാമത് മാധ്യമ പുരസ്‌കാര വിതരണവും തിരുവനന്തപുരത്ത് നടന്നു.
മഹാത്മാ അയ്യന്‍കാളി ഹാളില്‍ നടന്ന അനുസ്മരണ സമ്മേളനം കേന്ദ്ര മന്ത്രിയും തിരുവനന്തപുരം പാര്‍ലമെന്റ് മണ്ഡലത്തിലെ ബി.ജെ.പി. സാരഥിയുമായ
രാജീവ് ചന്ദ്രശേഖര്‍ ഉദ്ഘാടനം ചെയ്തു.
ഫൗണ്ടേഷന്‍ ചെയര്‍മാന്‍ ബേബിമാത്യു സോമതീരം അധ്യക്ഷത വഹിച്ച ചടങ്ങില്‍ മാധ്യമപ്രവര്‍ത്തകര്‍ക്കുള്ള പുരസ്‌കാരങ്ങള്‍ മന്ത്രി സമ്മാനിച്ചു.
മാധ്യമ രംഗത്തെ സമഗ്ര സംഭാവനയ്ക്കുള്ള അവാര്‍ഡ് കേരള കൗമുദി അസ്സോസിയേറ്റ് എഡിറ്റര്‍ വി.എസ് രാജേഷ് ഏറ്റുവാങ്ങി.
മനോരമ ചീഫ് റിപ്പോര്‍ട്ടര്‍ എ. വി. രാജേഷ്, ന്യൂ ഇന്ത്യന്‍ എക്‌സ്പ്രസിലെ ഫോട്ടോഗ്രഫര്‍ വിന്‍സന്റ് പുളിക്കല്‍, ദേശാഭിമാനി കൊച്ചി യൂണിറ്റിലെ ആര്‍. ഹേമലത , സുപ്രഭാതം കൊച്ചി യൂണിറ്റിലെ സുനിഅല്‍ഹാദി , വെള്ളിനക്ഷത്രത്തിലെ ജി.വി അരുണ്‍കുമാര്‍, 24 ചാനലിലെ ദീപക് ധര്‍മ്മടം , ജയ് ഹിന്ദ് ടിവിയിലെ ജോയ് നായര്‍, കൊച്ചി മനോരമ ന്യൂസിലെ ദിനു പ്രകാശ്, കൈരളി ടി വി യിലെ ബിച്ചു പൂവച്ചല്‍ , അമൃത ടിവിയിലെ അഖില കൃഷ്ണന്‍, ദൂരദര്‍ശനിലെ സരിത റാം, ജീവന്‍ ടി വി യിലെ ആര്‍. ബെവിന്‍ സാം, ജനം ടിവിയിലെ ജിതേഷ് സേതു, മീഡിയവണ്ണിലെ മുഹമ്മദ് ആഷിഖ്, എസിവി ന്യൂസിലെ അജിത് കുമാര്‍ , മംഗളം റിപ്പോര്‍ട്ടര്‍ അയ്യൂബ് ഖാന്‍, ഓണ്‍ലൈന്‍ മാധ്യമങ്ങളിലെ ശശിശേഖര്‍, അഭിജിത് ജയന്‍ , സരുണ്‍ നായര്‍ ,രജനീഷ് വി ആര്‍, ഹരിശങ്കര്‍ എസ് വിശ്വനാഥന്‍ തുടങ്ങിയവര്‍ പുരസ്‌കാരങ്ങള്‍ ഏറ്റുവാങ്ങി.
ഫൗണ്ടേഷന്‍ സെക്രട്ടറി രാജന്‍ വി.പൊഴിയൂര്‍, പ്രസിഡണ്ട് ബി.മോഹനചന്ദ്രന്‍ നായര്‍, കേരള ഭാഷാ ഇന്‍സ്റ്റിറ്റ്യൂട്ട് മുന്‍ ഡയറക്ടര്‍ഡോ. എം. ആര്‍. തമ്പാന്‍, റിട്ട. സ്‌പെഷ്യല്‍ സെക്രട്ടറി കെ സുദര്‍ശനന്‍, ഫൗണ്ടേഷന്‍ വൈസ് പ്രസിഡന്റ് ഡോ. പ്രഭാകരന്‍ പയ്യാടക്കന്‍, കണ്‍വീനര്‍ രാധാകൃഷ്ണന്‍ കറുകപിള്ളി, ജോയിന്റ് സെക്രട്ടറി ശശി ഫോക്കസ്, രഷ്മി ആര്‍ ഊറ്ററ,ദിവ്യ വൈദേഹി എന്നിവര്‍ ചടങ്ങില്‍ പങ്കെടുത്തു.
